Monitoro (batalŝipo)
Ĉi tiu artikolo temas pri batalŝipo. Por informoj pri aliaj signifoj de monitoro, vidu la artikolon monitoro.
Monitoro estas tipo de batalŝipo uzita de kelkaj mararmeoj dum la periodo de 1860 ĝis la Dua Mondmilito. La monitoroj de la 19-a jarcento estis kirasitaj batalŝipoj kun tureto, inspiritaj de la USS Monitor, usona ŝipo desegnita de John Ericsson (1803-1889), kiu agis dum la usona interna milito kaj do estis la unua monitoro de la mondo. Poste la termino monitoro servis kiel ĝenerala nomo por ia ajn ŝipo kun tureto. En la 20-a jarcento, la termino monitoro estis revivita por nomi kirasitajn bombopafilajn ŝipojn planitajn por malprofundaj zonoj, speciale tiuj de la Brita Reala Mararmeo.