Lentuga kolombo
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
Aliaj Vikimediaj projektoj
| ||||||||||||||
La Lentuga kolombo (Columba guinea) estas membro de la familio de birdoj kolomboj nome Kolombedoj, kiu loĝas kaj reproduktiĝas en granda parto de Afriko sude de Saharo. Ĝi estas komuna kaj disvastigata specio en malfermaj medioj en granda parto de sia teritorio, kvankam estas ankaŭ grandaj malplenoj en ĝi.
Tiu ĉi specio konstruas grandan neston el bastonetoj en arbo kie la ino demetas du blankajn ovojn. La flugo estas rapida kaj per regulaj flugilfrapoj kaj eventuala vipado kio estas karaktera de kolomboj ĝenerale.
Aspekto
[redakti | redakti fonton]Temas pri granda kolombo 41 cm longa. Dorso kaj flugiloj estas brunruĝecaj kaj tre markitaj de blankaj lentugoformaj makuletoj, de kie venas la nomo de la specio. La resto de supraj kaj subaj partoj estas blugrizaj, kiel la kapo, kiu montras rimarkindajn ruĝajn makulojn ĉirkaŭ la okuloj kaj ĝis la malhela beko kun blanka ceraĵo. La ventro estas pli senmarka, sed ankaŭ la kolo estas ruĝeca kun strioj; lakruroj estas ruĝaj. La voĉo estas laŭta du-du-du.
Ambaŭ seksoj estas similaj, sed nematuruloj estas pli brunaj ol plenkreskuloj.
La Lentuga kolombo estas ofte vidata ĉe homaj loĝejoj kaj terkulturejoj. Plej granda parto de ties dieto estas vegetala, kaj la specio ariĝas en grandaj grupoj kie oni povas trovi grejnojn aŭ nuksetojn.
Referencoj
[redakti | redakti fonton]- BirdLife International (2004). Columba guinea. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 08 May 2006. Ne minacata
- Birds of The Gambia de Barlow, Wacher kaj Disley, ISBN 1-873403-32-1