Loreley estas komunumaro en Germanio, do administra ligo de pluraj najbaraj komunumoj. Ĝi troviĝas en la distrikto Rhein-Lahn de la federacia landoRejnlando-Palatinato. Sian nomon la komunumo kompreneble havas de la ofte prikantata roko Loreley borde de la rivero Rejno, kiu situas en la teritorio. Fine de la jaro 2022 la komunumaro havis 16 563 loĝantojn.
Kadre de administra reformo decidita en 2010, la 1-an de julio 2012 la tiam 17 membraj komunumoj kuniĝis kun tiuj de la najbara komunumaro Braubach al nova administra unuiĝo de nun 22 membraj komunumoj provizore nomata komunumaro Braubach-Loreley, kiu la 1-an de decembro alprenis la pli koncizan antaŭan nomon komunumaro Loreley.
