Fajfbolilo
Fajfbolilo aŭ fajfkaldrono estas metala ujo kun vaporofajfilo kaj tenilo por boligi akvon. La fajfsignalo atentigas la uzanton ke la akvo bolas.
Dum jardekoj la fajfbolilo estis la plej taŭga kuirilo por boligi akvon, ekzemple por kuiri kafon aŭ teon. Pro la elmarŝo de la aŭtomata kafaparato kaj la elektra akvobolilo oni pli malofte renkontas la fajfbolilon.