Drumheller

	Drumheller
	angle: Drumheller
	urbo
	Vido el dinosaŭra faŭko al Drumheller
	Oficiala nomo: Town of Drumheller
Ŝtato	Kanado
Provinco	Alberto
Regiono	Suda Alberto
Censodistrikto	Censodistrikto 5
Municipa distrikto	D 47 Starland
Muzeo	Reĝa Muzeo Tyrrell
Rivero	Red Deer
Situo	Drumheller
- alteco	670 m s. m.
- koordinatoj	51° 27′ 49″ N 112° 43′ 10″ U / 51.46361 °N, 112.71944 °U (mapo)
Areo	107,93 km² (10 793 ha)
Loĝantaro	8 029 (2011)
Denseco	74,39 loĝ./km²
Parko	Provinca Parko Midland
Korporaciiĝo	1930
Gvidantaro	Urbokonsilio de Drumheller
Urbestro	Terry Yemen
Horzono	UTC (UTC-7)
- somera tempo	UTC (UTC-6)
Poŝtkodo	T0J
Telefona antaŭkodo	+1-403
	Situo enkadre de Kanado Situo enkadre de Kanado
	Situo enkadre de Alberto Situo enkadre de Alberto
	Situo enkadre de Nord-Ameriko Situo enkadre de Nord-Ameriko
	Vikimedia Komunejo: Drumheller
	Retpaĝo: www.dinosaurvalley.com

Koordinatoj: 51° 27′ 49″ N 112° 43′ 10″ U / 51.46361 °N, 112.71944 °U (mapo)

Drumheller estas urbo en la badlandoj de orient-centra Alberto, je la bordoj de la Rivero Red Deer. Ĝi situas 110 km nordoriente de Kalgario.

Historio

Dum la 1930-aj jaroj, kiam multe uziĝis karbo por industrio kaj domo-hejtado, la nombro de loĝantoj de Drumheller atingis 30.000 kaj Drumheller korporaciiĝis kiel urbo en la jaro 1930. Tiam Drumheller estis la plej granda produktanto de karbo en okcidenta Kanado; nun ĝi kontribuas al aktiva energi-industrio kaj povas fieri pri la due plej granda rezervo de tergaso en Alberto, la Gaskampo Okcidenta Drumheller. Por profiti de provincaj kaj federaciaj donacioj, en 1997 Drumheller nuligis sian urban ĉarton kaj reprenis la administran statuson de urbeto. Kun 111 kvadratkilometroj, Drumheller estas la plej granda urbeto de Alberto laŭ areo; la valo en kiu ĝi situas varias de 2 km laŭlarĝe kaj 22 km laŭlonge.

Drumheller ankaŭ funkcias kiel ia "Eta Holivudo" pro tio ke oni ĝis nun elektis ĝin kiel scenejon por pli ol 50 reklamoj, muzik-videofilmoj kaj kinofilmoj, inter ili Shanghai Noon, Unforgiven, Knockaround Guys kaj Rat Race.

Vidindaĵoj

Sude de la ponto je Ŝoseo 9 norde kaj sude oni povas trovi la Plej Grandan Dinosaŭron de la Mondo, tio estas 30 metrojn alta Tyrannosaurus rex en kiu oni povas supren grimpi por vidi la ĉirkaŭan pejzaĝon kaj la apudan nokte lumigatan fonton, kiu ŝprucas akvon 25 metrojn en la aeron.

La Plej Granda Dinosaŭro de la Mondo (Informejo de Drumheller)

Inter aliaj vizitindaĵoj de Drumheller estas La Pendoponto, Karbominejo Atlas (la lasta libere staranta mineja malŝarĝilo en Kanado), Skimonto de Valo Drumheller, la Paskoteatraĵo de la Kanadaj Badlandoj, Huffera Kanjono, Akvoŝpruca Parko, Akvoplekso kun du internaj kaj du eksteraj naĝbasenoj, Ĉevalŝtelista Kanjono, huduoj, Provinca Parko Midland, Hotelo Rosedeer en Wayne, 27 kilometroj da konstruitaj vojetoj, Pramŝipo Bleriot, Lerneja Muzeo de East Coulee, Hejmbiena Muzeo, Reptilia Mondo (la plej granda elmontraĵo de reptilioj en Okcidenta Kanado), Preĝejeto sidiganta milojn (po dek), kaj ĉio ĉi en impona parkeca ĉirkaŭaĵo.

Reĝa Muzeo Tyrrell

La Reĝa Muzeo de Paleontologio Tyrrell estas mondfama muzeo en kiu estas la plej granda kolektaĵo de dinosaŭraj fosilaĵoj sub unu tegmento. Ĝi gastigas 500.000 vizitantojn jare, kaj tiel estas la plej vizitata de ĉiuj provincaj muzeoj. La Reĝa Muzeo Tyrrell troviĝas en la nordokcidento de Drumheller kaj estas alirebla de la Norda Dinosaŭra Rapidvojo.

Amaskomunikiloj

En Drumheller oni povas ricevis signalojn de la radiostacioj and televiziaj stacioj en Kalgario kaj Medicine Hat. Ĝi havas neniun propran televizian stacion, sed ĝi havas du radiostaciojn proprajn kaj resendigilojn: