Andoraj eŭro-moneroj
| € |
La eŭro (EUR aŭ €) estas la komuna monunuo por 20 el la 27 landoj de la Eŭropa Unio, kaj de 4 nemembraj ŝtatetoj ene de la Eŭropa Unio, inkluzive de Andoro. La moneroj kaj monbiletoj ekuziĝis je la 1-a de januaro 2002, sed la presa (stampa) jaro foje montras sin tiel frue kiel 1999, kiam la monunuo oficiale ekestis kaj oni ekproduktis la monerojn. La andorajn eŭro-monerojn produktigas la franca kaj hispana monerfarejo.
Ĉiuj moneroj havas flankon komunan, kiu montras la valuton de la monero, kaj ĉiu lando, kiu partoprenas la eŭron, havas proprajn desegnaĵojn sur la alia flanko de la moneroj. Ĉi tiuj varias, ekde ĉiam sama desegnaĵo (ekzemple Estonio kaj Irlando) aŭ simpla montro de la monarĥo (ekzemple Belgio kaj Nederlando) ĝis tute malsama desegnaĵo ĉe ĉiu monero (ekzemple Grekio kaj Italio). Tamen, ĉiuj moneroj iel montras 12 stelojn ankaŭ sur tiu flanko.
Bildoj de la naciaj flankoj de la andoraj eŭro-moneroj
| Eŭro-moneroj | |
|---|---|
| Eŭrozono | |
| Landoj ekster EU kun propraj eŭro-moneroj | |
| |
| Ontaj membroj de la Eŭrozono | |
Krome jam pli longan tempon la ŝtatoj Monako, San-Marino kaj Vatikanurbo ekster la Eŭropa Unio havas valutan interkonsenton kun la Unio, kaj produktas proprajn naciajn Eŭro-monerojn. La 1-an de januaro 2014 al tiu listo ankaŭ aldoniĝas Andoro, kiu la 30-an de junio 2011 subskribis valutan interkonsenton kun la Unio. Antaŭe, en Andoro ĝis la enkonduko de la komuna eŭropa valuto validis la naciaj valutoj de Francio kaj Hispanio, franca franko kaj hispana peseto, kaj ekde la 1-a de januaro 2002 fakte validis la valuto Eŭro, rekta sekvaĵo de la antaŭaj valutoj de Francio kaj Hispanio, sen aparta konsento inter Andoro kaj la Unio.
La andoraj eŭro-moneroj havas kvar desegnaĵojn por la unuopaj moneroj.
| 0,01 € | 0,02 € | 0,05 € |
|---|---|---|
 |
|
|
| 0,10 € | 0,20 € | 0,50 € |
 |
 |
|
| 1,00 € | 2,00 € | 2 € ĉirkaŭo |
 |
 |
po ses-foje, do entute 12 steloj |
la andora parlamentejo |
kun la nacia devizo "virto en unuiĝo pli fortas" |
|