Sergej Lebedev

Membrecoj
Membrecoj	Rusia Akademio de Sciencoj ; Akademio pri Sciencoj de Sovetunio vd

Honorigoj
Honorigoj	Ordeno de Lenin ; vd

Sergej Vasiljeviĉ Lebedev
(1874-1934)
Sergej Vasiljeviĉ Lebedev; (1874-1934)
	rusa kemiisto,sintezanto de kaŭĉuko
Persona informo
Naskiĝo	25-a de junio 1874; en Lublino, Rusia imperio
Morto	1-a de majo 1934; en Leningrado, Sovetunio
Tombo	Tiĥvina Tombejo vd
Ŝtataneco	Rusia Imperio ; Sovetunio vd
Alma mater	Universitato de Sankt-Peterburgo; Virina Pedagogia Instituto de Sankt-Peterburgo; Akademio pri Milita Medicino de Sankt-Peterburgo
Familio
Patro	vd
Patrino	vd
Edz(in)o	Anna Ostroumova-Lebedeva (1905–) vd
Profesio
Okupo	kemiisto ; inĝeniero vd
Laborkampo	Organika kemio vd
Doktoreca konsilisto	Aleksejo Favorskij vd
Honorigoj
Honorigoj	Ordeno de Lenin ; vd
Membrecoj
Membrecoj	Rusia Akademio de Sciencoj ; Akademio pri Sciencoj de Sovetunio vd
vd	Fonto: Vikidatumoj
	v • d • r

Sergejo Vasilieviĉ Lebedev (1874-1934), (ruse: Сергей Васильевич Лебедев), estis rusia, sovetia kemiisto, kiu disvolvis metodon por produktado de la polibutadiena sinteza kaŭĉuko^[1] komerce disponebla, pere de esplorprocezoj en kiu etaj molekuloj kombiniĝas por formi pli grandajn molekulojn. La polibutadueno li estigis per polimerizado de la etanolo. Liaj esploroj estis dediĉitaj al polimerigado de la dienaj hidrokarbonidoj. Li estis la unua esplori la polimerizadon de la butadueno (1932-1933), uzante terpomojn kaj kalkoŝtonojn kiel krudmaterialo. Dum la 2-a Mondmilito, lia procezo pri estigado de butadueno el la etanolo estis uzata de la germana kaŭĉuka industrio.

Biografio

En 1895, li finis siajn studojn en la Varsovia Gimnazio kaj eniris en la Fakultaton pri Fiziko kaj Matematiko de la Universitato de Sankt-Peterburgo aŭtune de la sama jaro. Pro siaj politikaj aktivecoj li devis prokrasti sian laboron, post kiam li diplomiĝis en la universitato, en 1900. Post du jaroj, li trovis okupon en la Instituto pri Fervojaj Inĝenieroj. En 1902, li aktivis en la Universitato de Sankt-Peterburgo kiel laboratoria tekniko kaj la Fabriko pri Margarino en la sama urbo. En 1904, li estis asistanto de Aleksejo Favorskij (1860-1945). En 1904, li edziĝis al la rusa pentristino Anna Ostroumova-Lebedeva (1871-1955). Lebedev laboris en la laboratorio pri analiza kaj teknika kemio, tamen, al li ne ebli komenci sciencan esploron ĝis 1908 pro pluraj kialoj, inklude de du vojaĝoj eksterlanden kaj milita servo, kie li engaĝiĝis en Novoaleksandrio. Pli malfrue, en 1915, Lebedev profesoris en la Virina Pedagogia Instituto de Sankt-Peterburgo. Post 1916, li iĝis profesoro en la Akademio pri Milita Medicino de Sankt-Peterburgo. En 1925, li fariĝis direktoro de la "Petrola laboratorio" en la universitato de Sankt-Peterburgo.