Red Dragon
|
C'l artìcul chè 'l è scrit in
Miranduléś |
 Red Dragon
| ||
| Red Dragon | ||
 Ralph Fiennes in na figùra dal film | ||
| Drâg Rós 2002 | ||
|---|---|---|
| Regìa: Brett Ratner | ||
| Scritōr: Thomas Harris • Ted Tally | ||
| Atōr: Anthony Hopkins • Mary-Louise Parker Edward Norton • Ralph Fiennes • Harvey Keitel Emily Watson • Anthony Heald • Ken Leung | ||
| Müsica: Danny Elfman | ||
| Léngua: Ingléś | ||
| Dürä dal film: 124 minüt | ||
| Nasiōṅ: Stat Unî • Germàgna | ||
Red Dragon (Drâg Rós) 'l è 'n thriller americàṅ dal 2002 ad Brett Ratner trat da 'l rumànś “Al delìt dla tèrsa luna” ad Thomas Harris. Prudót par Dino De Laurentiis, 'l è 'l arfacimènt 'd un film ad Michael Mann dal 1986, Manhunter - Frammenti di un omicidio, e al cònta la vita 'd Hannibal Lecter prima dal film Il silenzio degli innocenti.
'L è custâ stant'òt migliòṅ ad dòlar faghénd-an sù da piò ad duśènt-nóṿ.
Sunt
Dòp avér ciapâ e mandâ in parśòṅ tri an prima al serial killer Hannibal Lecter (Anthony Hopkins), 'l agînt d'l FBI Will Graham (Edward Norton) al s tōś un perìud par punsàr e par tiràr-as sù da 'l fridi in dal còrp e in dla mènt che qvàl là al gh'à fat. Adès al viṿ in Flòrida cun sò mujér Molly (Mary-Louise Parker) e sò fiōl Josh (Tyler Patrick Jones) ma 'n àtar masadōr seriàł, Francis Dolarhyde (Ralph Fiennes) ch'al s pòrt' adrē al scutmàj ad “Lóv manâr” parchè al cópa durànt al nòt ad luna pîna e ch'al gh'à 'l ciòld fis p'r un persunàǵ imaginàri ciamâ “Drâg Rós”, 'l al custrìnś a turnàr in servìsi par farmàr-al.
Par saltàr-ag fóra e par cumprénd-ar méj qvél ch'al gh'à in dla suca un serial killer, Will 'l è custrét a dmandàr ajùt pròpria a Hannibal Lecter.
La saga
La saga la tōś riferimènt da i rumànś ad Thomas Harris ma i film i n èṅ minga vgnû fóra in d'l órdan giùst:
- Hannibal Lecter - Le origini del male 2007, regìa ad Peter Webber
- Manhunter - Frammenti di un omicidio 1986, regìa ad Michael Mann
- Red Dragon 2002, regìa ad Brett Ratner (afracimènt ad Manhunter - Frammenti di un omicidio)
- Il silenzio degli innocenti 1991, regìa ad Jonathan Demme
- Hannibal 2001, regìa ad Ridley Scott