Lontano dal paradiso
|
C'l artìcul chè 'l è scrit in
Miranduléś |
 Far from Heaven
| ||
| Lontano dal paradiso | ||
 Dennis Haysbert in na figùra dal film | ||
| Luntàṅ da 'l paradìś 2002 | ||
|---|---|---|
| Regìa: Todd Haynes | ||
| Scritōr: Todd Haynes | ||
| Atōr: Julianne Moore • Dennis Haysbert Dennis Quaid • Patricia Clarkson • Celia Weston Viola Davis • Michael Gaston • James Rebhorn | ||
| Müsica: Elmer Bernstein | ||
| Léngua: Ingléś | ||
| Dürä dal film: 107 minüt | ||
| Nasiōṅ: Stat Unî • Frància | ||
Lontano dal paradiso (Luntàṅ da 'l paradìś) 'l è 'n film dramàtic americàṅ e francéś dal 2002 scrit e dirèt par Todd Haynes, girâ in dal New Jersey e in dal stad ad New York. La pelìcula l'è stada candidàda a quàtar Òscar e l'à vins un prèmi a 'l 59śum Fèstival ad Venèsia par l'atōra prutagunìsta, la Julianne Moore.
Custâ trédas migliòṅ e mèś ad dòlar, al film al 'n à fat pò sù vint-nóṿ.
Sunt
A la fiṅ di an Sinquànta, in na sitadìna dal Connecticut, la Cathy Whitaker (Julianne Moore) la fà la raśdóra par sò marè Frank (Dennis Quaid), ch'al vénd di televiśōr, e p'r i sò dū fiōi, David (Ryan Ward) e la Janice (Lindsay Andretta).
La dóna l'à dedicâ tuta la sò vita a la famìja. In dal tèmp lìbar la fà dal fèsti o dla beneficénsa ma adès la s è misa a dascórar da spés e a pasàr dal tèmp cun 'l óm ch'al tîṅ adrē a 'l sò giardèṅ, un négar ciamâ Raymond Deagan (Dennis Haysbert), anc parchè sò marè 'l è sèmp'r a lauràr in fiṅ a tard. Na sira la Cathy la 'l và a catàr in ufìsi e la 'l bèca a far sès cun 'n óm cgnusû in un bar.
La còpia la próa a pasàr cal brut mumènt lè cun dal sedùdi 'd Frank da 'l psicòlug ma 'l fat ch'la gint l'àppia fat a mènt che lē l'è da spés c'n un tisi 'd culōr al dà vita a di spetegulés dimóndi catìṿ in di cunfrònt dla dóna.