Lady Gaga

C'l artìcul chè 'l è scrit in Miranduléś

«

I want your love and all your lovers' revenge, you and me could write a bad romance, caught in a bad romance! Caught in a bad romance, want your bad romance, I want your horror, I want your design 'cause you're a criminal as long as your mine, I want your love.»

(EN)(Bad Romance, 2009)

«

A vój ch'ta m vóga bèṅ, tut al tò amōr 'l è na vindéta, mè e tè a prévan scrìvar na stòria 'd amōr malàda, insaplâ in na stòria 'd amōr śbaliàda! Intraplâ in na stòria 'd amōr śbaliàda, a vój al tò amōr malâ, a vój la tò scarésa, a vój al tò piàṅ parchè 't sē 'n criminàł in fiṅ tant ch'at sē mio, a vój al tò amōr.»

(MUD)

La Stefani Joanne Angelina Germanotta (New York, 28 ad Mars dal 1986), cgnusùda méj c'n al nóm 'd art ad Lady Gaga tòlt in prèst da la canta Radio Gaga dei Queen, l'è na cantànta e atōra americàna.

Sóta cuntràt cun la Interscope Records l'à fat al sò debùt in dal 2008 cun 'l àlbum The Fame faghénd subìt sèntar, anc par via di sìngui Just Dance e Poker Face, che qvést chè specialmènt 'l à vindû 'n squantèran. Subìt dòp la Germanotta l'à fat vgnir fóra 'l EP The Fame Monster cun dèntar di àtar pès ad sucès cuma Bad Romance (óltar déś migliòṅ ad còpi cuntànd anc al dascargàdi digitàli e na cover itagliàna cantàda par la Wilma De Angelis), Alejandro e Telephone.

Śuntànd-ag anc i disc sucesìṿ (Born This Way dal 1011, Artpop dal 2013 e Cheek to Cheek dal 2014 fat insém a Tony Bennett), la Lady Gaga l'è rivàda a vint-sèt migliòṅ 'd àlbum e a sènt-vintsìnc migliòṅ ad sìngui.

Cuma atōra l'à recìta in di film ad Robert Rodriguez Machete Kills e Sin City - Una donna per cui uccidere e in dla série televiśìva 'd scarésa American Horror Story ch'la gh'à frutâ 'n Golden Globe.

Biugrafìa

Discugrafìa

Àlbum

2008 - The Fame
2011 - Born This Way
2013 - Artpop
2014 - Cheek to Cheek (insém a Tony Bennett)
2016 - Joanne
2020 - Chromatica
2024 - Harlequin

Racòlti

EP

Culegamènt estéran