Emma Marrone

C'l artìcul chè 'l è scrit in Miranduléś

«

Se sapesse che fatica ho fatto per parlare con mio figlio che a 30 anni teme il sogno di sposarsi e la natura di diventare padre, se sapesse quanto sia difficile il pensiero che per un giorno di lavoro c'è chi ha ancora più diritti di chi ha creduto nel paese del futuro, no questo no, non è l'inferno ma non comprendo com'è possibile pensare che sia più facile morire.»

(IT)(Non è l'inferno, 2012)

«

S'al saìs ag fadìga ch'a-j-ò fat par dascórar cun mè fiōl ch'a 30 an al gh'à paùra dal sógn ad spuśàr-'s e la natùra 'd dvintàr pàdar, s'al saìs quànt 'l è difìcil al punsēr che p'r un dè 'd lavōr a gh'è chi à incóra più dirìt ad chi 'l à cardû in dal paéś dal futûr, nò qvést chè nò, al n è minga 'l infèran ma a n capìs briśa cum a sia pusìbil pinsàr ch'a sia più fàcil murìr.»

(MUD)

L'Emma a Cupenàghen par l'Eurovision Song Contest dal 2014

L’Emmanuela Marrone, cgnusùda méj cuma Emma Marrone o anc sōl cuma Emma (Firénse, 25 ad Maǵ dal 1984, a s lèś [ˈɛmma marˈroːne] in itagliàṅ) l'è na cantànta e prudutōra 'd disc itagliàna.

Uriginària dna famìja ch'la daśvgnìva da 'l Salènt, dòp ès'r-as fata i òs in dal 2010 vinsénd la nòna edisiòṅ dal talent show Amìg dla Maria De Filippi, la taca na caréra 'd cantànta 'd mistēr firmànd cun la cà discugràfica Universal Music Group faghénd vgnir fóra 'n àlbum intitulâ A me piace così.

L'à tòlt part par dū vòlti a 'l Fèstival ad Sanrémo, rivànd secónda insém a 'l grup di Modà in dal 2011 c'n al braṅ Arriverà e prima 'l an dòp cantànd Non è l'inferno. In dal 2014 l'è andàda cuma rapreśentànta dl'Itàglia a 'l Eurovision Song Contest purtànd la canta La mia città.

In dla sò caréra l'à vindû da piò 'd un migliòṅ ad disc.

Discugrafìa

Àlbum in studi

2010 - A me piace così
2011 - Sarò libera
2013 - Schiena
2015 - Adesso
2018 - Essere qui

Da 'l Viṿ

2014 - E Live

Filmugrafìa

2012 - Benvenuti al Nord, regìa ad Luca Miniero
2016 - La cena di Natale, regìa ad Marco Ponti
2020 - Gli anni più belli, regìa ad Gabriele Muccino

Culegamènt estéran

(IT) Al sò sit ufisiàł