Castèl Campori
|
C'l artìcul chè 'l è scrit in
Miranduléś |
Al castèl Campori 'l è 'n castèl ch'al s cata in dal sènt'r ad Suléra, in pruìnsa 'd Mòdna, in piàsa Fradèi Sassi 2.
Da 'l 1990 'l è 'd pruprietà dal cumùṅ ch'al 'l à restaurâ soquànti vòlti, l'ultma a séguit dal taramòt dl'Emìglia, par far-ag na bibliutéca e dal móstri[1].
Stòria
Dal castèl a s in dascór in fiṅ da 'l an 1029 cuma bèṅ dal marchéś Ugo 'd Èst e pò dla Matìlda 'd Canòsa. In séguit al castèl al pasa a i Pio 'd Carp ma in dal XVII sécul al tórna a 'l Ducâ 'd Mòdna ch'l al dà a 'l cardinàł Pirèṅ Càmpori, uriginàri dla Garfagnàna. La sò famìja, feudatària in fiṅ a 'l 1796, la 'l à tgnû incóra par di sécui in fiṅ tant ch'l è pasâ prima a la Céśa in dal 1976 e pò a 'l cumùṅ.
A 'l intéran dal castèl, che na vòlta al gh'iva 'n pònt levatòj e 'n fòs 'd intóran, a gh'è na statṿa 'd Èrcule.
Nòti
- ↑ Castèl Campori Soliera Castello dell'Arte