SpongeBob SquarePants
|
C'l artìcol chè 'l è scrit in
Carpśàn |
 SpongeBob SquarePants
| ||
| SpongeBob | ||
| ||
| SpongeBob 1999 | ||
|---|---|---|
| Avtōr: | ||
| Regìa: | ||
| Senegiadùra: | ||
| Personâǵ: | ||
| Dupiadōr originêl: | ||
| Mùśica: | ||
| Durèda dal progràma: 11 minût | ||
| Lengua: Ingléś | ||
| Nasiòun/Paēś: Stêt Unî | ||
SpongeBob SquarePants 'l è al tìtol ed na séri 'd cartòun animê americàṅ mìs in ònda dala Nickelodeon a partìr dala metê dal maǵ 1999.
Personâǵ
- Al SpongeBob SquarePants 'l è 'l protagonìsta di cartòun, na spùgna retangolèra śala 'd quìli ch'a s dróva in cuśèina per lavèr i piât. Al s vistìs col braghèti curti maròun coi spìgol c'ma ind un paralelepìped retàngol, e 'l dróva el scherpi neri, la camiśèina biànca e 'n cruatèin in sìma. Ed mistēr al Spongy al cōś e 'l servìs cun dimòndi cuntintèsa, i krabby patty, na sorta 'd hamburger, ai tèvel dal fast food Krusty Krab. Al SpongeBob al stà in na cà a fórma 'd ànanas in fònd'a 'l mêr, indû 'l vîv cun la lumaghèina 'd cumpagnìa Gary, ch'la gh'miàgla sēg, e per śvèin ed cà al gh'à al Patrick e 'l Squiddi.
- Al Patrick Stèla 'l è na stèla marèina culōr rośa careg e 'l è 'l miōr amîg dal SpongeBob. Insèm, i du śuvnôt, i gh'àn la pasiòun 'd andèr a casa 'd medùśi col ridèin da pès e 'd śughèr a fèr el bòli 'd savòun. Al Patrick al n'è mìa tant śgalvî mo 'l è sàimp'r al prìm a dmandèr a 'l Spongy ed śughèr.
- Al Squiddi Tentàcol 'l è 'n calamêr ed culōr verd śmulèdeg mia trôp bêl e gnanc simpàtic, sàimper pesimìsta e mìa 'd cumpagnìa. Ed mistēr al fà al casēr ala Tevla chelda dal Krusty Krab, màinter che per pasatèimp a gh'piêś sunèr al clarinèt e stèr's-en in santa pêś sarê dàint'r in cà sùa indû 'l s pōl anca mirèr-es in dla muntàgna 'd quèder tùt cui só artrât tachê ai mùr.
- La Sandy Cheeks l'è na scuiàtla amìga dal SpongeBob ch'la vîv lè sòt'a 'l mêr insèm ai só amîg intànt che, dàint'r in dla só cà a forma 'd bócia pina 'd ària, la fà di esperimàint sièintìfic. 'D quand in quand, a gh'piêś fèr soquànti mósi 'd karatè col Spongy, e per ciamèr in cà sua i só amîg, la gh'à però da prestèr-eg di casco pîn 'd àqua perchè lōr egl'ìn dal besti 'd mêr e i n's cumpatìsen minga tùta cl'ària sùta lè 'd cà sua.
- Mr. Krabs 'l è 'l proprietàri dla Tevla chelda dal Krusty Krab, 'n granfi dimòndi agitê perchè 'l só lochêl al gh'àpia sàimper di cliìnt, al faga di bòun panèin, e ch'al gvadàgna bèin.
- Plankton 'l è 'n begatèin cichìn vérd escûr cun 'n ôć sōl, proprietàri dla Tevla chelda Chum Bucket, concoràinta 'd quela dal Mr. Krabs, e ch'al tàinta sàimper 'd rubèr la presióśa risèta di krabby patty dal Krusty Krab.
- Mrs. Puff l'è na pès bócia e la mistra 'd scóla gvìda dal SpongeBob, na dunlèta sàimper butèda a tèra dai diśaster dal Spongy.
- Mermaid Man and Barnacle Boy gl'ìn
Vōś lighèdi
Èter progêt
Wikiquote contiene citazioni di o su SpongeBob SquarePants
Wikimedia Commons contiene file multimediali su SpongeBob SquarePants
