Pergi ke kandungan

Falsafah

Simbanai noputan
Mantad Wikipedia
Ahli Falsafah konfusiusme ii Confucius, gamut tradisi falsafah kosilaon (China)

Falsafah (Jawi: ‏فلسفه‎‎) nopo nga iso disiplin ilmiah ii gumoos do papatarad katapatan kumaa tulun ginumuan maya pogintangan om pamaganapan do kobolingkahangan it aralom kokomoi do poguhatan kaharaan, koilaan, nilai, pomusarahan, takal om boros[1]. Tongoulun di gumoos id gana diti nopo nga ointutunan sabaagi ahli falsafah, ahli momusorou toi ko filsuf[2]. Falsafah kiwaa duo woyo pointantu sandad, iri no tu:

  • Iso goos momusorou di ogonop
  • Kitudu do popoimbulai do katapatan

Gisom baino, ahli-ahli falsafah au po nakaanu do koisaan pomusarahan kokomoi huyadan pointatap do falsafah. Mantad di nogi, haro oo nokoboros do falsafah nopo nga au milo huyadon id iso pomusarahan di totopot. Iri nogi tu kaanu yati berfalsafah kokomoi korotian om huyadan do falsafah. Om mantad di nogi kaanu yati misingilo do mogisusuai huyadan do falsafah tumanud mogisusuai ahli falsafah. Montok sukuon sandad, hiti haro iso pomitanan huyadan falsafah mantad di Drs. Sidi Gazalba:

Gumoos id falsafah nopo nga iso laang montok mogihum do katapatan mantad katapatan montok katapatan montok toinsanai ahal di nosiliu sabaagi kobolingkahangan miampai momusorou maya radikal, sistematik om poimponu. Soira sosongulun kaanu momusorou miampai laang dilo id saralom monolibamban do kobolingkahangan, sosongulun di milo boroson do nokosuang no id pomogunan falsafah. Boboroson om huyadan di oulud aasil pomusarahan nopo nga roitan sabaagi falsafah. Mantad kointalangan dilo, kaanu yati pomolingkuman do falsafah nopo nga kopianit do goos id falsafah om poguhatan-poguhatan falsafah, om kaanu nogi do aasil karya falsafah.

Hogot "falsafah" ii naanu mantad boros Arab: فلسفة, rumi: falsafatcode: ar is deprecated , ii naanu nogi mantad boros Yunani: Φιλοσοφία, rumi: philosophiacode: el is deprecated ii kirati do "Tupus kumaa koilaan" (love of wisdom)[3][4] Kamus moden awal bahasa Melayu seperti Kitab Vortaro memberi takrifan bidang ini sebagai "penjelidikan pada segala apa jang menosia bisa dapet mengarti".[5].

Falsafah om gana koilaan

[simbanai | simbanai toud]

Falsafah insaru pioniton do gana agama, matematik, koilaan do posondili, pondidikan om politik. Poomitanan nopo nga: "Prinsip Matematik Falsafah Alam" aasil karya di Isaac Newton id toun 1687, iri no tu poinsuang id falsafah posondili. Aasil karya di nogi nga nakaanu rahung do koburuon id gana koilaan kokomoi astronomi, kodokutulan om fizik; it pinosuang id pambalajalan Fizik maso toun 2000-an[6].

Maso jaman klasik, katayad oo falsafah tradisional id tolu kawo tapangkal, iri no tu:

  • Falsafah posondili ("fisika") nopo nga gana ponoriukan kokomoi do pomogunan di opurimanan do deria om kiula "fizikal" (physis, rati harfiah: alam);
  • Falsafah moral ("etika") nopo nga gana ponoriukan kokomoi do katapatan, otopot om sala, kolidangan, ko'odilan om kebajikan (etos, rati harfiah: koubasanan);
  • Falsafah metafizik ("logika") nopo nga ponoriukan kokomoi kaharaan, sabab-bagas, Tuhan, logika, bontuk om objek abstrak di suai ("meta-physika" rati harfiah: "nunu-nunu ahal di au okito maya fizikal").[7]

Kointayadan diti kakal po relevan om gunoon po gisom biano miampai haro koburuon. Falsafah posodili natayad id ogumu gana koilaan kokomoi posondili miagalko astronomi, fizik, kimia, biologi om kosmologi. Falsafah moral nogi nga nakaanu popoimbulai do gana koilaan kawagu miagal ko koilaan sosial nga kakal po papangkum do teori nilai kohompit no nilai estetika, etika, falsafah politik om ogumu po suai. Falsafah metafizik pinoimbulai do koilaan formal miagal ko sains, logik, matematik nga kakal po poinghangkum do epistomologi, kosmologi om ogumu po suai.

Goos id falsafah

[simbanai | simbanai toud]

Goos falsafah id laang di bobos osonong nopo nga kirati do taang momusorou kokomoi iso-iso hal di bobos aralom. Nga goos id falsafah hiti nopo nga kirati do momusorou maya laang falsafah. Mantad di, haro tolu kowowoyoo pomusarahan falsafah, iri no tu:

  • Radikal
    Ula diti nopo nga popokito do taang pomusarahan di ogonop om bobos aralom gisom kaanu monghuyad potolinahas do gamut kobolingkahangan.
  • Sistematik
    pomusarahan sistematik nopo nga pomusarahan logik, maya pomusarahan diti goos monghuyad poguhatan falsafah koindalan maya iso om iso taang di oulud.
  • Poimponu
    Poimponu nopo nga kopogowit rati do poinsandad. Id suang pomusarahan diti, huyadan kokomoi poguhatan falsafah au ouwung id iso no boogian kobolingkahangan nga kaanu momonsoi do iso sisimbar di monghuyad do toinsanai boogian it nokoimbulai id suang poguhatan.

Goos id falsafah nogi nga iso aasil huyadan di aanu mantad pomusarahan kondii om au monuku kumaa susukuon di kiwibawa. Miagalko, montok monimbar do poguhatan "nunu YYY?", sosongulun au milo monimbar miampai "YYY nopo nga ZZZ sabab nokoboros ii Dr XYZ kokomoi dii", nga sosongulun di nuru monimbar poguhatan di miampai kosinggawan id falsafah kondii.

Poguhatan falsafah

[simbanai | simbanai toud]

Poguhatan falsafah toi ko kobolingkahangan falsafah nopo nga iso uhu di pitimbungakan id gana falsafah. Ahal diti nopo nga tonsi do falsafah. Poguhatan falsafah nogi nga kiula apagon om mongunsub do pomusarahan di aralom.

Iso-iso poguhatan di osiliu do iso poguhatan falsafah soira poguhatan di au milo osimbar maya kaida pogintangan om kaida sains. insaru nogi, poguhatan falsafah kaanu popohompit kokomoi konsep, ideologi, om ahal-ahal di abstrak, miagal ko:

  • "Nunu ino katapatan?"
  • "Nunu ino pomusarahan?"
  • "Nunu ino koilaan?"
  • "Nunu ino alawa?"
  • "Nunu ino koposion?"

Gana falsafah kaanu manahak do iso nilai di akawas id suang koposion monikid tadau sosongulun katanud do taang falsafah do poguhatan di kohompit. Tu, poguhatan di noikot vinasi kaanu manahak do aasil sisimbar di noikot vinasi nogi. Miagal ko poguhatan kokomoi koilaan nakaanu popoburu do gaan sains om teknologi.

Kategori falsafah

[simbanai | simbanai toud]

Falsafah atayad id limo kategori tumanud poguhatan, iri no tu:

  • Metafizik
    Gana falsafah diti poposotol do pomusarahan kokomoi kaharaan. Poomitanan poguhatan nopo nga: Nunu objek di haro? Nunu kiula-ulao do objek dilo? nunu ula do liwang om maso?
  • Epistemologi
    Gana falsafah diti poposotol do pomusarahan kokomoi gana koilaan. Poomitanan poguhatan nopo nga: nunu ino koilaan? Haro nangku koilaan? poingkuro yati koilo do nunu ii oilaan dati?
  • Etika
    Gana falsafah diti poposotol do pomusarahan kokomoi do kemoralan tulun. Poomitanan poguhatan nopo nga: Haro nangku pisuaian do wowonsoion di kimoral om aiso moral? kodung haro, nunu di pisauian dau?
  • Logik
    Gana falsafah diti poposotol do pomusarahan kokomoi do woyo momusorou do tulun di oulud om katanud do realiti.
  • Estetika
    Gana falsafah diti poposotol do pomusarahan kokomoi kolidangan. Poomitanan poguhatan nopo nga: nunu ino alawa? miagalko ponuatan boros butia - Afronisme

Tradisi falsafah

[simbanai | simbanai toud]
Socrates

Falsafah nopo nga iso gana di gooson ngai do monikid tinaru id suang pomogunan. Sabab koinsanai tulun kiwaa rahi mongilo do katatapatan iso-iso ahal. Mantad di, tradisi falsafah owonsoi mantad tinimungan tulun di papaharo do ponginsamakan wagu kumaa falsafah. Tradisi falsafah nogi nga monuku kokomoi iso tinimungan tulun di kohompit id iso goos falsafah di miagal miampai rahung ahli falsafah di kopiagal nogi.

Hogot "falsafah" id suang konteks akademik Amerika Inggeris nopo nga lobi poposotol do nuludan falsafah it haro id tradisi falsafah barat om au monorimo do falsafah mantad boogian pomogunan suai. Suai mantad di, hogot falsafah au gunoon is tamadun China, Korea om Jipun montok monuku proses pomusarahan. Mantad di nokoumbal oo sarjana mantad kotonobon momusorou do ingga tradisi falsafah mantad id tanah kosilaon.

Mantad di, okito dati do tradisi falsafah abaagi id duo boogian iri no tu falsafah kotonobon om falsafah kosilaon. Nga tradisi falsafah id Afrika au po milo huyadon tu kakal po osowut.

Falsafah kotonobon nopo nga iso tradisi falsafah di bobos agayo rahung id boogian Eropah, Amerika om Kosilaon tanga'. Falsafah Islam nogi nga poinsuang id tradisi diti. Nga falsafah kosilaon nopo monuku do falsafah mantad id Chin, Korea om Jepun miampai boogiian India.

Tradisi falsafah kotonobon

[simbanai | simbanai toud]
Artikel tapangkal: Falsafah Kosilaon

Tradisi falsafah kabaatan

[simbanai | simbanai toud]
Artikel tapangkal: Falsafah Kotonobon

Sajara

[simbanai | simbanai toud]

Sabaagi iso gana disiplin koilaan, sajaara kokomoi falsafah nopo nga kaanu manahak do kointalangan kokomoi koburuon om kosimbanan do konsep om doktrin falsafah[8]. Haro nogi piipito ahli intelek di otumbayaan do ahal di nopo nga sajara intelek, nga haro nogi poguhatan kokomoi do kopomogunoon teori falsafah di nakatalib do pointopot nangku om kakal po nangku relevan[9]. Sajara falsafah lobi-lobi po ii popohompit do teori kokomoi poguhatan rasional om huyadan; ogumu sejarawan di monorimo ahal di sabaagi mitos, tutuduk agama om koubasanan[10].

Sukuon

[simbanai | simbanai toud]
  1. ↑ Grayling, A. C. (1998). "1: A Guide through the Subject". Philosophy. Oxford University Press. p. 1. The aim of philosophical inquiry is to gain insight into questions about knowledge, truth, reason, reality, meaning, mind, and value..
  2. ↑ "filsuf". Kamus Dewan (ke-4 ed.). Dewan Bahasa dan Pustaka Malaysia. 2017.
  3. ↑ "Strong's Greek: 5385. φιλοσοφία (philosophia) -- the love or pursuit of wisdom". biblehub.com.
  4. ↑ "Online Etymology Dictionary". Etymonline.com. Linoyog ontok 22 August 2010.
  5. ↑ Kwik Khing Djoen (1923). "filosofie". Kitab Vortaro: Segala Perkatahan-Perkatahan Asing Jang Soeda Oemoem Di Goena Ken Di Dalem Soerat-Soerat Kabar Melayoe. Batavia: Sin Po. p. 113.
  6. ↑ Lindberg 2007, p. 3.
  7. ↑ Kant, Immanuel (2012-05-21). Kant: Groundwork of the Metaphysics of Morals (2nd ed.). Cambridge University Press. ISBN 9781107401068. Ancient Greek philosophy was divided into three branches of knowledge: natural science, ethics, and logic.
  8. ↑ Templat:Multiref
  9. ↑ Templat:Multiref
  10. ↑ Templat:Multiref

Toud Tapangkal

[simbanai | simbanai toud]
  • Sidi Gazalba (1974). Sistematika Filsafat: Pengantar Kepada Dunia Filsfat, Teori Pengetahuan, Metafika, Teori Nilai. Kuala Lumpur: Penerbitan Utusan Melayu Berhad.
  • Razgriz, Alif (2017). Falsafah: Hikmah Tersirat, Pemikiran Kritikal. Selangor.{{cite book}}: CS1 maint: location missing publisher (link)

Noputan Labus

[simbanai | simbanai toud]
Naanu mantad "https://dtp.wikipedia.org/w/index.php?title=Falsafah&oldid=14737"