Shah
Gair Perseg sy'n golygu 'brenin' yw shah. Shah oedd teitl brenhinoedd Iran hyd chwarter olaf yr 20g, yn cynnwys y frenhinllin Achaemenid a unodd Persia a'i gwneud yn ganolfan ymerodraeth anferth a oresgynywd gan Alecsander Fawr. Yn ogystal â bod yn enw ar frenhinoedd Iran, gan amlaf yn y ffurf estynedig Shahinshah ("Brenin y brenhinoedd"), ceir enghreifftiau o shah, neu ffurfiau'n deillio ohoni, yn deitl ar frenhinoedd eraill yng ngorllewin Asia ac India.
