Ffraethebwyr y Prifysgolion

Llên Lloegr yn yr 16eg ganrif
Sonedwyr a thelynegwyr yn Oes Harri Thomas Wyatt Henry Howard, Iarll Surrey
Y Diwygiad Seisnig Thomas More Book of Common Prayer Foxe's Book of Martyrs
Barddoniaeth yn Oes Elisabeth Edmund Spenser Philip Sidney
Y ddrama yn Oes Elisabeth William Shakespeare Christopher Marlowe John Lyly Robert Greene Ben Jonson
← Saesneg Canol Llên Lloegr 17g →

Enw ar grŵp o awduron sydd yn neilltuol gyfrifol am dwf cyflym y ddrama Elisabethaidd fel ffurf lenyddol flaenaf Lloegr yn ystod ugain mlynedd ola'r 16g yw Ffraethebwyr y Prifysgolion. Bathwyd yr enw University Wits gan y beirniad George Saintsbury yn y 19g i ddisgrifio'r criw hwn o ddramodwyr, rhyddieithwyr, a phamffledwyr Elisabethaidd gan fod nifer ohonynt yn gyn-fyfyrwyr prifysgolion Rhydychen a Chaergrawnt. Maent yn cynnwys John Lyly, Thomas Lodge, a George Peele o Rydychen, a Christopher Marlowe, Robert Greene, a Thomas Nashe o Gaergrawnt.

Ymhlith dramâu nodweddiadol y Ffraethebwyr mae Friar Bacon and Friar Bungay (1589) gan Greene a The Old Wives' Tale (1595) gan Peele. Mae'r rhain yn nodi troad arloesol oddi ar yr hen anterliwt a'r ddrama gronicl Duduraidd, gan ysgogi oes newydd o amrywiaeth a safon yn myd theatr Lloegr. O ran ei defnydd o drais a themâu gwallgofrwydd a dial, mae The Spanish Tragedy (1592) gan Thomas Kyd—a ystyrir yn aml yn un o'r Ffraethebwyr, er na aeth i'r brifysgol—yn rhagflaenu'r drasiedi Iagoaidd.

Maent hefyd yn nodedig am eu rhyddiaith, gan gynnwys y rhamantau Euphues: The Anatomy of Wit (1578) ac Euphues and His England (1580) gan Lyly a'r stori bicarésg The Unfortunate Traveller (1594) gan Nashe.