Manuel Ávila Camacho

Manuel Ávila Camacho
Ganwyd	24 Ebrill 1897  Teziutlán Municipality
Bu farw	13 Hydref 1955  Dinas Mecsico, Huixquilucan de Degollado
Dinasyddiaeth	Mecsico
Alma mater	Escuela Nacional Preparatoria
Galwedigaeth	gwleidydd
Swydd	Arlywydd Mecsico, Secretary of National Defense
Plaid Wleidyddol	Plaid Chwyldroadol Genedlaethol
Priod	Soledad Orozco
Gwobr/au	Urdd yr Eryr Gwyn, Urdd y Cymylau Ffafriol

Gwleidydd a milwr o Fecsico oedd Manuel Ávila Camacho (24 Ebrill 1897 – 13 Hydref 1955) a fu'n Arlywydd Mecsico o 1940 i 1946.

Ganwyd yn Teziutlán yn nhalaith Puebla yn nwyrain canolbarth Mecsico. Ymunodd â byddin Venustiano Carranza yn 1914 yn ystod Chwyldro Mecsico a fe'i dyrchafwyd yn gyflym drwy'r rhengoedd. Fel cadfridog fe brofodd ei alluoedd trefniadol a gweinyddol, a fe'i penodwyd yn weinidog rhyfel a'r llynges yn llywodraeth yr Arlywydd Abelardo Rodríguez ac yn weinidog amddiffyn cenedlaethol dan yr Arlywydd Lázaro Cárdenas yn 1937. Ymddiswyddodd o'r cabinet yn 1939, a chafodd ei enwebu gan y blaid lywodraethol, Partido de la Revolución Mexicana (PRM), ar gyfer etholiad arlywyddol 1940. Enillodd yr etholiad.

Gweithredodd Ávila Camacho bolisïau cymedrol a diwygiadau er cynnydd cymdeithasol. Datganodd yn gyhoeddus ei fod yn Gatholig mewn ymgais i ddadwneud gwrthglerigiaeth ei raflaenydd. O ran polisi tramor, cychwynnodd ar berthynas newydd â'r Unol Daleithiau drwy dorri'r ddadl dros y diwydiant olew ac ymuno ag ymdrech ryfel y Cynghreiriaid yn ystod yr Ail Ryfel Byd. Ildiodd yr arlywyddiaeth i Miguel Alemán Valdés yn 1946. Bu farw yn Ninas Mecsico yn 58 oed.