Commons:Press releases/1M/scn
|
čeština | Deutsch | English | español | français | galego | italiano | 日本語 | polski | русский | українська | +/− |
Un miliuni di file carricati nta Wikimedia Commons, lu cuntinituri multimidiali lìbbiru
[edit]San Petruburgu, Florida, (USA), 30 di nuvèmmiru 2006 — La Wikimedia Foundation resi notu oi ca lu miliunèsimu file fu carricatu ntô sò cuntinituri di mmàggini, soni e vìdiu lìbbiri, Wikimedia Commons (http://commons.wikimedia.org/). Si tratta di file ca foru scigghiuti o criati dê 91.006 utenti riggistrati ca pàrranu chiù di 12 lingui diversi.
Wikimedia Commons avìa statu lanciatu lu 7 di sittèmmiru 2004, è un cuntinituri ùnicu di matiriali multimidiali a cuntinutu apertu e ô quali pò cuntribbuiri cuegghiè. Furnisci la maiuri parti dô matiriali utilizzatu pi llustrare l'àutri pruggetti dâ Wikimedia Foundation, ntra li quali la nciclupidìa Wikipedia, scritta dâ cumunità dê participanti ê pruggetti stissi. Tutti li file carricati nta Wikimedia Commons sunnu dispunìbbili lìbbiri di royalty pi qualegghiè scopu. Di norma l'auturi o lu fotògrafu hannu a èssiri citati e arcuni file sunnu rilasciati cu licenzi "copyleft" e chistu signìfica ca òpiri dirivati di tali file hannu a èssiri rilasciati chê stissi tèrmini di licenza.
Wikimedia Commons evidinziau na crisciuta ràpida ntô cursu dê suli dui anni dâ sò esistenza. Lu file nùmmiru 100.000 avìa statu fistiggiatu ntô maiu 2005, lu ch'ìndica na crisciuta dûn fatturi deci ntô giru d'appena sìdici misi. Ogni simana, chiù di duimila file novi sunnu carricati.
Lu miliunèsimu file è na fotugrafìa, carricata di n'utenti dâ Wikipedia n lingua ngrisa chiamatu Terence Ong. È nu studenti di scola supiriuri di Singapore e partècipa ê pruggetti di Wikimedia dô jinnaru 2005. Ong dissi dâ fotugrafìa, ch'è una dê tanti ripigghiati pressu lu Zoo di Singapore, "Avìa saputu ca lu zoo avìa canciatu tantu, accussì dicisi di jiri a vidìrilu. Dô mumentu ca haiu l'hobby dâ fotugrafìa, dicisi di purtari cu mìa la mè màchina fotugràfica diggitali e fari quarchi fotu." Supra lu sò ntiressi pi Wikimedia Commons, Ong dissi, "[Wikimedia] Commons è un postu assai diffirenti di tutti li siti unni si ponnu cundivìdiri dê fotugrafìi. Apprezzu tantu lu cuncettu wiki, unni tuttu è lìbbiru e nun guvirnatu dô dinaru. Ccà, haiu la libbirtà di putiri carricari quantu mmàggini addisìu, puru n basi ô tipu d'utilizzu c'àuspicu dô matiriali."
Lu file ca Terence Ong carricau, dispunìbbili ccà Image:Singapore_Zoo_37.JPG, è la fotugrafìa dâ barcunata di unni è pussìbbili taliari l'ippupòtami nani (Choeropsis liberiensis) ô Zoo di Singapore. Nun appena lu file fu carricatu nta Wikimedia Commons, addiveni mmidiatamenti dispunìbbili pi l'utilizzu nta ogni pruggettu Wikimedia senza ca c'è la nicissità di carricàrilu arrè ntê pruggetti lucali.
- Un musàicu di 1200 mmàggini pi fistiggiari
Pi fistiggiari lu miliunèsimu file carricatu, la cumunità di Wikimedia Commons dicisi di priparari na mmàggini dô logu dâ Wikimedia Foundation custituita di tèssiri di musàicu. Basatu supra n'idìa di Brianna Laugher (utenti Pfctdayelise), cô ntentu d'"ammustrari li varità ncridìbbili dê file ca si ponnu attruvari nta Commons", lu design dô logu design fu assimblatu di Larry Pieniazek (utenti Lar), utilizzannu un suttanzemi "seed" di venticincu mmàggini e un fogghiu elittrònicu pi ginirari lu markup wiki ca cullucau casualmenti li mmàggini n basi a ogni culuri di basi. Lu pruggettu fu n sèguitu annunciatu nta diversi wiki e ntô Signpost, di fattu grapènnulu â cumunità ntera pô migghiuramentu e li rifinituri pussìbbili. Lu cummentu di Larry, "Lu musàicu dô logu di Wikimedia logo addimustra quantu vilocimenti l'idìi boni ponnu èssiri migghiurati ancora si tanti manu ci travàgghianu nzèmmula. Ntô giru di picca jorna, la mmàggini nizziali avìa statu migghiurata radicalmenti di nummirusi cuntribbutura e diversi spicialisti rializzaru di l'utility pi fari prucèdiri chiù spiditamenti lu travagghiu. Chistu addimustra rialmenti ca lu spìritu dô cuntinutu apertu è vivu e vèggetu."
Lu musàicu
-
Lu logu dâ Wikimedia Foundation. Copyright dâ Wikimedia Foundation. -
La cunfigurazzioni nizziali, cu picca mmàggini ntê quattru culura di basi, n pusizzioni assignati casualmenti. -
L'ùrtima visualizzazzioni ammustra un granni liveddu di rifinitura opiratu dâ cumunità.
Mmàggini n evidenza
[edit]Wikimedia Commons havi nummirusi mètudi pô migghiuramentu dâ qualità, gistuti dâ cumunità stissa, lu primo fu chiddi dê "Mmàggini n evidenza". Tali prucessu evidenzia e premia li cuntribbuti chiù criativi, carattirizzati di un cuntinutu nfurmativu di prim'òrdini e di l'aspettu estèticu, criati o attruvati di utenti di Wikimedia. A oi ci sunnu chiù di 650 "Featured pictures", cu catigurìi particularmenti d'effettu, quali li mmàggini di natura e armali a risuluzzioni àuta, astrunumìa e àutri mmàggini scintìfichi e macari mappi e diagrammi vitturiali canciàbbili.
Natura e armali
[edit]-
Un lacu muntanu ntô Sud Est dô Kazakhstan doppu na stimpata, fotugrafatu di Jonas Satkauskas (utenti "Jsx") -
Dui Lantana camara cu un Misumenoides formosipes biancu abbasciu a manu dritta, n attisa dâ sò preda, fotugrafati di Joaquim Alves Gaspar, dô Purtugallu (utenti "Alvesgaspar") -
Astronotus ocellatus, un pisci d'acqua duci dô Sud Mèrica, fotugrafatu di Jón Helgi Jónsson (utenti "Amything") -
Sfinci dô Galiu (Macroglossum stellatarum), fotugrafata di Christopher Adlam, dô Canada (utenti "IronChris")
Scienza
[edit]-
Ferruflùidu sutta la nfluenza dûn campu magnèticu, fotugrafatu di Gregory F. Maxwell, dê Stati Uniti (utenti "Gmaxwell") -
N'elabburazzioni gràfica ô computeru di l'effettu Lotus, rializzata di William Thielicke (utenti "Willa") -
Na gutta si stacca dô rubbinettu, fotugrafata di Roger McLassus (utenti "Roger McLassus") -
Arcu elèttricu, di l'elèttrudu cintrali di na làmpara ô plasm, fotugrafatu di Blaise Frazier (utenti "PiccoloNamek")
Custruzzioni e strutturi
[edit]-
La cubba dô Campidogghiu (US Capitol), fotugrafata di l'utenti "Diliff", di l'Australia -
Lu viaduttu di Passy a Pariggi, fotugrafatu di l'utenti "Gloumouth1", dâ Francia -
Lu Palazzu di Westminster di notti, vistu di south bank supra lu Tàmiggi, fotugrafatu di Andrew Dunn, dô Regnu Unitu (utenti "Solipsist") -
Lu tempiu di Ginkakuji ntôn jornu di nivi, Kyoto, Giappuni. 雪の日の銀閣寺, fotugrafatu di l'utenti "Moja", dô Giappuni.
Diagrammi e mappi
[edit]-
Mappa cu n cunfini stòrici dâ Lituania, rializzata di l'utenti "Knutux", dâ Lituania -
Llustrazzioni dô spettru elettrumagnèticu, rializzata di l'utenti "Tatoute", dâ Francia -
Diagramma cu etichetti dâ morfuluggìa dâ furmìcula opirara, rializzatu di Mariana Ruiz Villarreal, dô Mèssicu (utenti "LadyofHats") -
Un diagramma nummiratu dê cumpunenti dûn personal computer, rializzatu di l'utenti "Gustavb"
Animazzioni e àutri cuntinuti multimidiali
[edit]
Wikimedia Commons accetta li furmati GIF e OGG (utilizzannu un codec Theora) pô vìdiu e li cuntinuti animati. Ogg è lìbbiru di brivetti, cumpletamenti apertu e è pratticamente nu standard ntâ rializzazzioni di cuntinuti multimidiali pô streaming efficienti e pâ gistioni dô vìdiu.
La maiuri parti dê file vìdiu di Wikimedia Commons cunzìstinu n matiriali stòricu, ca ricadìu ntô duminiu pùbblicu pi via dâ datazzioni. Dô puntu di vista di l'animazzioni, tuttavìa, un gruppu nicu di vuluntari si didicaru cu custanza â rializzazzioni dô pruggettu supra l'ideogrammi cinisi "Chinese stroke order project", ca mira a prudùciri di l'animazzioni GIF ch'ìnnicanu li curretti mudalità di tracciamentu di migghiara di caràttiri cinisi. Tali travagghiu si sta addimustrannu di granni binificiu p'àutri pruggetti di Wikimedia, quali lu Wikibook "Learn Chinese".
La Wikimedia Foundation
[edit]La Wikimedia Foundation, Inc. è n'organizzazzioni ntirnazziunali no-profit ca lu scopu è ncuraggiari la crisciuta, lu sviluppu e la distribbuzzioni di cuntinuti lìbbiri nta tanti lingui, e di furniri gratuitamenti lu cuntinutu di sti pruggetti basati ntô wiki ô pùbblicu. La Wikimedia Foundation gistisci arcuni ntra li pruggetti di cunzurtazzioni chiù granni dô munnu, pubblicati cu un sistema cullabburativu, ntra li quali Wikipedia, unu dê 15 siti chiù visitati e dô cuntinituri multimidiali Wikimedia Commons. L'organizzazzioni arricivìu nummirusi premi e onurificienzi pô sò travagghiu, ntra di chisti lu Webby Award, lu Prix Ars Electronica Golden Nica, lu Japan Advertisers Association's Web Creation Award e lu World Technology Award in Communications Technology.
La Wikimedia Foundation fu criata ntô 2003 pi gistiri lu funziunamentu dê pruggetti esistenti e s'attrova a San Petruburgu, Florida, USA. Wikimedia havi assuciazzioni lucali ntô Regnu Unitu, Girmania, Francia, Italia, Serbia, Paisi Vasci, Svìzzira e Pulonia. La maiuri parti di l'opirazzioni dâ Foundation è finanziata dê littura o dê dunazzioni dê cuntribbutura stissi.
Chiossai nfurmazzioni
[edit]- Wikimedia Commons (http://commons.wikimedia.org/)
- La Wikimedia Foundation (http://wikimediafoundation.org)
Cuntatti
[edit]P'addumannati e ntirvisti, pi favuri mannati n'email a [email protected].
Cuntatti lucali
[edit]Altri contatti locali sunnu noltri a vostra dispusizzioni.