Хошимин
| Хошимин хото | |
|---|---|
| — түбһөө захирагдаха хото — | |
| вьетээр Thành phố Hồ Chí Minh | |
| Хошимин хото | |
 |
|
| Улас орон |  Вьетнам |
| Можо | Хошимин |
| Дотороо (24) | 19 дүүргэ, 5 хушуу |
| Газар нютаг | 2096 км² |
| Хүн зон | 7 955 000 хүн[1] (2012) |
| Нягтарал | 3 666 хүн/км² |
| Телефоной_код | +84 8 |
| Сахим газар | hochiminhcity.gov.vn |
Хошимин (вьетээр Thành phố Hồ Chí Minh, хитадаар 胡志明,1976 он болотор Сайгон), Урда Вьетнамда Сайгон мүрэнэй (Донгнай мүрэндэ шудхана) эрьедэ, Урда-Хитад тэнгисһээ 80 км зайда оршодог 7 955 000 (2012) хүн зонтой хото; Вьетнамай эгээн томо хото болон эдэй засагай түб юм. Меконг мүрэнэй хажууда байрлана. Арад түмэнэй талаар, ехэнхи хуби вьетүүд, Шолон хороондонь олон хитадууд ажаһууна.
Халуун (тропигой), эли хэлбэлзэлгэгүй уларилтай. Жэлэй дундажа температура +26 °C. Жэлдэ 2000 мм үлүү шииг нойтонтой (6-7 һарадань борооной уларил болоно).
Томохон тээбэрин уулзабари. Уласхоорондын ниидэхэ онгосын буудалтай (Таншоннют болон Бьенхоа). Хүнгэн (нэхэмэлэй,арһанай гэхэ мэтэ), хүнэһэнэй (тутарга сэбэрлэхэ, загаһа болбосоруулха, саахарай, тоһоной, сай болбосоруулха, кофе болбосоруулха гэхэ мэтэ), модо болбосоруулха, химиин үйлэдбэрилгэ, машина бүтээлгэ болон металл эдлэл үйлэдбэрилгэ, барилгын материалай үйлдэбэри. Уламжалалта дархалалгын үйлдэбэри (заанай һоеогоо болбосоруулха болон зэдэй үйлдэбэри, шабар юумэнэй, гүрэмэл болон будагтай бүтээлнүүдэй гэхэ мэтэ). Загаһа барилгын түб. Хошимин хотын гол наймаанай-үйлэдбэрилгын хороо хадаа Шолон хороо юм.
Дээдэ һургуулинууд, үндэһэтэнэй номой сан. Театр. Музейнүүд: түүхын музей (1929 онһоо 1956 болотор — Бланшар де ла Босой музей, 1956 онһоо 1975 болотор — Сайгоной үндэһэтэнэй музей), Үндэһэтэнэй уран һайханай галерей, сэрэгэй музей, Хо Ши Минай музей гэхэ мэтэ. Зоопарк болон Ботаникын сэсэрлиг (1865 онһоо хойшо).