Wilfred Owen

Wilfred Edward Salter Owen, ganet d'an 18 a viz Meurzh 1893 e Croesoswallt ha lazhet er Brezel-bed kentañ d'ar 4 a viz Du 1918, zo ur barzh saoz, a orin kembreat, marvet en Ors (departamant Norzh, Bro-C'hall). Unan eus gwellañ barzhed ar brezel-se eo.

E wrizioù e Kembre

E eontr Edward Shaw Owen en doa c'hoariet mell-droad e skipailh Kembre. Hervez an istorourez Hafina Clwyd e 'Rhywbeth Bob Dydd', e kustume Wilfred mont da vakañsiñ da di-ferm Glan Clwyd, e Rhewl e-kichen Rhuthun.

E vuhez

Ur pennad e voe kelenner saozneg e Bourdel ma reas anaoudegezh gant ar skrivagner anarkour Laurent Tailhade, ha kenskrivañ e galleg a rejont.

E varzhoniezh

Disheñvel-mat e oa e vouezh diouzh hini Rupert Brooke a gane meuleudi d'ar brezel. Kamarad e oa d'ar varzhed Siegfried Sassoon ha Robert Graves .

Lazhet e voe Wilfred Owen ur sizhun a-raok fin ar brezel. Isletanant er Manchester Regiment e oa. Pa sone kleier ar peoc'h en iliz parrez e tegouezhe ar c'heloù eus e varv d'e dud.

Oberennoù

The Poems of Wilfred Owen, edited with a Memoir and Notes by Edmund Bluden, London, Chatto & Windus, 1952.

**Un nebeud barzhonegoù gant Wilfrid Owen**
The Unreturning To Eros My Shy Hand Storm Music Shadwell Stair	Happiness Exposure Fragment: "Cramped in that Funnelled Hole" Fragment; "It is not Death" The Parable of the Old Men and the Young Arms and the Boy	The Show The Send-off Greater love Insensibility Dulce et Decorum est The Dead-Beat	The Chances Mental Cases Disabled Anthem for Doomed Youth Voices The Calls	And I must go Inspection Fragment: "A Farewell" Spring Offensive The Sentry Strange Meeting