Sturm, Ruger & Co.

Logo Sturm, Ruger & Co. war dornell ur bistolenn.

Sturm, Ruger & Company, Inc., brudetoc'h dindan e anv Ruger, zo un embregerezh stadunanat hag a brodu armoù-tan hiniennel. E sez a zo e Southport (Connecticut), ha labouredagoù en deus ivez e Newport (New Hampshire), Mayodan (North Carolina) ha Prescott (Arizona). Savet e oa bet an embregerezh-mañ e 1949 gant Alexander McCormick Sturm ha William B. Ruger.

Hervez an ensavadur-stad stadunanat ATF e oa Ruger ar produour armoù kentañ Stadoù-Unanet Amerika e 2015. En eil plas e oa evit ar pistolennoù ha revolverioù nemetken (a-dreñv da Smith & Wesson) hag en eil plas evit ar fuzuilhoù ha karabinennoù (a-dreñv da Remington).

History

Ur bistolenn Ruger's MK II 22/45 savet evit ar sportoù tennañ

Sturm, Ruger & Company a voe savet gant William B. Ruger hag Alexander McCormick Sturm e 1949 en ur stal vihan e Southport (Connecticut).

A-raok en em lakjemp da labourat asambles, William Ruger a oa deuet a-benn da eilañ div bistolenn japanat Nambu en e garrdi, diwar unan prenet digant ur Marine e dibenn an Eil Brezel-bed. Ur wech divizet gant an daou zen produiñ o fistolenn damaotomatek .22 Long Rifle kentañ, Ruger a ouzhpennas enni tresoù al Luger P08 hag ar Colt Woodsman. Ganet e voe ar Ruger Standard, a reas berzh diouzhtu hag a roas lañs d'ar merk.

D'ar 16 a viz Du 1951 e varvas Sturm trumm. Ruger a chomas e-unan e penn an embregerezh. En enor Sturm e voe cheñchet e liv da erev logo ar merk, a zeuas da vezañ du, pa oa ruz betek neuze.

E 1964 e voe savet ar garabinenn damaotomatek Ruger 10/22, kambret e .22 LR. Berzh a reas ha produet e vez hiziv c'hoazh. 7 milion a skouerennoù anezhi a zo bet gwerzhet. William B. Ruger a chomas e penn an embregerezh betek e varv e 2002. En holl e voe produet ouzhpenn 20 milion a armoù gant Sturm, Ruger & Co. etre 1949 ha 2004.

E miz Gwengolo 2020, an embregerezh a brenas Marlin Firearms digant ar Remington Outdoor Company.

Produioù

Fuzuilhoù ha karabinennoù

Fuzuilhoù-morailh

Ruger M77 Mark II Stainless Bolt Action kambret e .204

• Hawkeye M77
• Gunsite Scout
• Model 77/22
• American Rifle
• American Rimfire
• Ruger Precision Rifle
• Ruger Precision Rimfire

Fuzuilhoù damaotomatek

Ruger 10/22 "Stainless" kemmet

• Model 44 (bet produet)
• 10/22
• 10/17 (bet produet)
• SR-22
• Mini-14
• Mini Thirty
• XGI (ket produet, diorren ehanet)
• Police Carbine (bet produet)
• Ruger PC Carbine
• LC Carbine
• Deerfield Carbine (bet produet)
• AR-556
• SR-556 (bet produet)
• SR-762 (bet produet)
• SFAR

Fuzuilhoù loc'henn-grogenn

• Model 96 (96/44, 96/22 ha 96/17 bet produet)

Fuzuilhoù da wintañ

• Red Label

Fuzuilhoù un tenn

• No. 1
• No. 3 (bet produet)

Fuzuilhoù-pomp

Fuzuilh-pomp Red Label

• Gold Label (bet produet)

Pistolennoù-mindrailher

• AC-556 (bet produet)
• MP9 (bet produet)

Armoù-dorn

Pistolennoù gant munisionoù skoet en o c'hreiz

Ruger P89

Ruger SR1911 (.45 ACP)

• Hawkeye (bet produet)
• P-Series (bet produet)
• SR-Series (bet produet)
• American Pistol
• Security-9
• Ruger MAX-9
• SR1911
• LCP
• LCP II
• LCP Max
• LC9
• LC380
• LC9s
• Ruger-5.7

Pistolennoù gant munisionoù skoet war o zro

Ruger MK I

• Standard (MK I) (bet produet)
• MK II (bet produet)
• MK III / 22/45 (bet produet)
• MK IV
• SR22
• 22 Charger

Revolverioù daou-ober

Stumm kentañ ar Ruger LCR .38 Special

• Security-Six/Service-Six/Speed-Six (bet produet)
• SP101
• GP100
• Redhawk
• Super Redhawk
• Super Redhawk Alaskan
• LCR

Revolverioù un-ober

Revolverioù Super Blackhawk ha Redhawk

• Bearcat
• Single-Six
• Blackhawk
• Super Blackhawk
• Vaquero
• Wrangler
• Old Army (bet produet)

Levrlennadur ha liammoù diavaez

• (en) WILSON R. L., Ruger & his guns : an history of the man, the company, and their firearms, 1996
• (en) Lec'hienn an embregerezh (lennet d'an 08/12/2024)

Daveennoù

  Stag eo ar bajenn-mañ ouzh Porched an Armoù-tan