Plerin

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Plerin
An iliz katolik.
Anv gallek (ofisiel)	Plérin
Bro istorel	Bro-Sant-Brieg (Goueloù)
Melestradurezh
Departamant	Aodoù-an-Arvor
Arondisamant	Sant-Brieg
Kanton	Plerin (pennlec'h)
Kod kumun	22187
Kod post	22190
Maer Amzer gefridi	Ronan Kerdraon 2020-2026
Etrekumuniezh	Sant-Brieg Arvor Tolpad-kêrioù
Bro velestradurel	Bro Sant-Brieg
Lec'hienn Web	http://www.ville-plerin.fr
Poblañsouriezh
Poblañs	14 459 ann. (2020)
Stankter	522 ann./km²
Douaroniezh
Daveennoù lec'hiañ	48° 32′ 07″ Norzh 2° 46′ 10″ Kornôg
Uhelderioù	kreiz-kêr : 116 m bihanañ 0 m — brasañ 143 m
Gorread	27,72 km²
Plerin

Plerin zo ur gumun e Breizh, e Bro-Oueloù, e departamant Aodoù-an-Arvor, er c'hornôg da Sant-Brieg, stok outi.

Douaroniezh

• Ar stêr Goued en em daol e Mor Breizh etre Plerin ha Sant-Brieg.

Anv

• Stummoù kozh ː Plerin, 1215, 1254, 1371 ; Plerym, Pleryn, Ploerin, 1371 ; Plerin, 1430, 1516 ; Ploerin, 1636.

Evit abegoù touristel en deus divizet kuzul-kêr Plerin ober gant an anvadur Plérin-sur-Mer. N'eo ket istorel an anvadur-se ha n'eo ket anavezet ent-melestradurel gant an INSEE. E brezhoneg ne reer ket gant an ouzhpennadenn douristel-se ha "Plerin" a reer eus anv ar gumun traken.

Gerdarzh

Un anv brezhonek-rik eo Plerin. Savet eo diwar an elfenn "Plou" (parrez) emdroet e Ple hag an anv den "Rin" a adkaver en anv div gumun all eus Treger ha Leon: Plourin-Montroulez ha Plourin-Gwitalmeze. "Plourin" ha "Plerin" zo rik-ha-rik an hevelep anv.

Ardamezioù

En aour e seizh mailhenn en glazur, 3, 1, 3.

Istor

XX^vet kantved

Brezel-bed kentañ

• Mervel a reas 188 gwaz abalamour d'ar brezel hervez monumant ar re varv, eleze 5,22 % ag ar boblañs hervez an niveradeg bet graet e 1911; lazhet e voe unan anezhe d’an 22 a viz Eost 1914 e Rossignol e Belgia, soudard er 1añ Rujumant Troadegiezh Trevadennel e oa.

Eil brezel-bed

• Mervel a reas 48 den eus ar gumun abalamour d'ar brezel.
• D'an 20 a viz C'hwevrer 1943 e kouezhas un nijerez (Mosquito FBIV marilhet DZ466 ha kodet DH-?) eus aerlu ar Rouantelezh-Unanet (Royal Air Force) en un draezhenn e Plerin.
• D'ar 6 a viz Gwenholon 1944 e kouezhas un nijerez P-38 Lightning (marilhet 43-28484 ha kodet E6-Y) eus aerlu SUA (United States Army Air Forces) e Plerin ; he nijour a voe adkavet gant e genvroidi.

Brezelioù didrevadennañ

Brezel Indez-Sina

• Mervel a reas ur fuzuilher-mor eus ar gumun d’an 23 a viz Even 1947 e Dong Dham er Viêtnam.

Monumantoù ha traoù heverk

• Iliz katolik Sant Pêr.
• Monumant ar re varv e-tal an iliz katolik, luc’hskeudenn.

Brezhoneg

• E distro-skol 2023 e oa enskrivet er c'hlasoù divyezhek 83 skoliad (7,2 % eus skolidi ar gumun evit a sell ouzh ar c'hentañ derez). https://www.brezhoneg.bzh/98-kelenn.htm
• D’an 18 a viz Kerzu 2017 e oa bet votet ar garta Ya d'ar brezhoneg gant kuzul-kêr ar gumun.

Emdroadur ar boblañs abaoe 1962

Niver a annezidi

Tud

Tud marvet eno

• An Tad Medar, manac'h ha skrivagner brezhonek, 3 a viz Mae 1988.

Ardamezeg ar familhoù

	Le Borgne Aotrounez Malbrousse En argant e gab dentek en gul.
	Martin Aotrounez La Ville-Gohel En gul e rozenn-doubl en argant.

Darempredoù etrebroadel

Gevelliñ

•  Alamagn : Herzogenrath (1987)
•  Iwerzhon : An Chorr Chríochach (1995)
•  Polonia : Wronki (2005)

Keveleriñ

• Roumania : Avrig (1990)

Liammoù diavaez

• (fr)Ti-kêr
• (br)Plerin war lec'hienn Geobreizh