Michael Haneke
| Reizh pe jener | paotr  |
|---|---|
| Bro ar geodedouriezh | Aostria |
| Anv e yezh-vamm an den | Michael Haneke |
| Anv-bihan | Michael |
| Anv-familh | Haneke |
| Lesanv | Richard Binder |
| Deiziad ganedigezh | 23 Meu 1942 |
| Lec'h ganedigezh | München |
| Tad | Fritz Haneke |
| Mamm | Beatrix von Degenschild |
| Kar | Franz-Josef Binder |
| Yezhoù komzet pe skrivet | galleg, alamaneg |
| Implijer | University of Music and Performing Arts Vienna |
| Bet war ar studi e | University of Vienna |
| Studier | Jessica Lind |
| Floruit | 2018 |
| Deroù ar prantad labour | 1974 |
| Ezel eus | Academy of Arts, Berlin |
| Oberennoù zo en dastumad | Museum of Modern Art |
| Rummad tost | Category:Films directed by Michael Haneke |
| Statud e wirioù aozer | Oberennoù dezhe gwirioù aozer |
Michael Haneke, ganet d’an 23 a viz Meurzh 1942 e München, zo ur filmaozer ha skriver scenario aostrian.
Oberennoù
[kemmañ | kemmañ ar vammenn]Teiroberenn ar Skornerezh
[kemmañ | kemmañ ar vammenn]Anvet eo bet e dri film sinema kentañ teiroberenn ar Skornerezh. Er filmoù-mañ e kaver tudennoù a gav diaes mont e darempred ha komz, livioù yen, luskoù goustad.
Der siebente Kontinent
[kemmañ | kemmañ ar vammenn]Aozet eo bet e film sinema kentañ, Der siebente Kontinent (ar seizhvet kevandir, 1989), diwar un istor wir, hini ur familh a ziviz drailhañ pep tra en he buhez hag en em lazhañ.
Bennys Video
[kemmañ | kemmañ ar vammenn]Kontañ a ra e eil film, Bennys Video (Video Benny, 1992), istor ur c’hrennard a vev dre filmoù. Lazhañ a ra e gamaradez ha gwarezet eo gant e dud.
71 Fragmente einer Chronologie des Zufalls
[kemmañ | kemmañ ar vammenn]E drede film, 71 Fragmente einer Chronologie des Zufalls (71 darn ur gronologiezh ar chañs, 1994) a gont, e stumm perzhioù berr, istor un hold-up en ur bank.
Das Schloß
[kemmañ | kemmañ ar vammenn]Das Schloß (ar c’hastell, 1997) a zo azasaet diwar romant Franz Kafka gant ar memes titl.
Funny Games
[kemmañ | kemmañ ar vammenn]E Funny Games (1997) e weler ur familh aet da vakañsiñ war word ul lenn, taget gant daou baotr yaouank a glask lazhañ anezho. C’hoari a ra tudennoù ar familh evel en ur drajedienn, hag an daou baotr evel en ur gomedienn.
Code inconnu
[kemmañ | kemmañ ar vammenn]E Code inconnu (Kod dianav, 2000) e weler tudennoù a glask kemenn hep kavout penaos ober.
La pianiste
[kemmañ | kemmañ ar vammenn]La pianiste (Ar sonerez piano, 2001) a zo aozet diwar levr Die Klavierspielerin (1983), skrivet gant Elfriede Jelinek. Kontañ a ra istor ur gelennerez piano, diaezamantoù reizhel en he buhez.
Le Temps du loup
[kemmañ | kemmañ ar vammenn]Le Temps du loup (Amzer ar bleiz, 2003) a gont istor ur familh en ur bed post-apokalips.
Caché
[kemmañ | kemmañ ar vammenn]E Caché (Kuzhet, 2005) e weler un den a resev kasetennoù video a zegas d’e soñj e vugaleaj.
Funny Games U.S.
[kemmañ | kemmañ ar vammenn]Funny Games U.S. (C’hoarioù fentus SUA, 2007) zo un adaozañ (remake) eus ar film Funny Games evit arvesterien ar Stadoù-Unanet Amerika.
Das Weiße Band
[kemmañ | kemmañ ar vammenn]Kontañ a ra Das Weiße Band (Ar seizenn wenn, 2009) istor ur gêrig alaman goude ar brezel-bed kentañ.
Aet eo palm aour gouel Cannes gant ar film-mañ[1].
Amour
[kemmañ | kemmañ ar vammenn]En Amour (Karantez, 2012) e rank un den kozh ober war-dro e wreg, klañv goude bezañ bet ur gwallzarvoud eus gwazhied an empenn.
Meur a enor en deus tapet ar film-mañ:
- Palm aour gouel Cannes[2]
- Césarioù: gwellañ film, gwellañ aozour, gwellañ skrid orin, gwellañ aktour, gwellañ aktourez[3]
- Oskar ar gwellañ film estren[4]
Happy End
[kemmañ | kemmañ ar vammenn]Kontañ a ra Happy End (2017) istor ur familh bourc'hizien o vevañ e Calais.
Filmlennadur
[kemmañ | kemmañ ar vammenn]Filmoù skinwel
[kemmañ | kemmañ ar vammenn]- … Und was kommt danach ? (Ha petra a zeu war lec’h?) (1973)
- After Liverpool (Goude Liverpool) (1974)
- Spermüll (Lastez) (1976)
- Drei Wege zum See (Tri hent davet al lenn) (1976)
- Lemminge (Lemminged) (1979)
- Variationen (Variadurioù) (1983)
- Wer war Edgar Allen ? (Piv a oa Edgar Allen?) (1984)
- Fräulein (Dimezel) (1985)
- Nachruf für einen Mörder (Mortuaj ur muntrer) (1991)
- Die Rebellion (An emsavadeg) (1992)
- Das Schloß (Ar c’hastell) (1997)
Filmoù sinema
[kemmañ | kemmañ ar vammenn]- Der siebente Kontinent (1989)
- Bennys Video (1992)
- 71 Fragmente einer Chronologie des Zufalls (1994)
- Funny Games (1997)
- Code inconnu (2000)
- La Pianiste (2001)
- Le Temps du loup (2003)
- Caché (Kuzhet) (2005)
- Funny Games U.S. (2007)
- Das Weiße Band (2009)
- Amour (Karantez) (2012)
- Happy End (2017)
Enorioù
[kemmañ | kemmañ ar vammenn]- Komandour Urzh an Arzioù hag al Lizheroù[5]
- Marc'heg al Lejion a enor (2012)[6]
Levrlennadur
[kemmañ | kemmañ ar vammenn]Michel Cieutat et Philippe Rouyer, Haneke par Haneke, Pariz, Stock, dastumad « Essais - Documents », 2017, ISBN (ISBN 978-2234064850).
Daveoù
[kemmañ | kemmañ ar vammenn]- ↑ (fr) La Palme d'or au Ruban blanc de Michael Haneke. L’Express (Mae 2009).
- ↑ (fr) Cannes décerne la Palme d'or à "Amour" de Michael Haneke. RTS (Mae 2012).
- ↑ (fr) "Amour" de Michael Haneke triomphe aux César. France 24 (C’hwevrer 2013).
- ↑ (fr) Cérémonie des Oscars - "Amour" de Michael Haneke, meilleur film étranger. RTBF (2013).
- ↑ (fr) Haneke décoré à Cannes. L’Express (Mae 2010).
- ↑ (fr) La légion d'honneur pour Michael Haneke et la productrice Margaret Menegoz. France Info (Kerzu 2012).