Merry Christmas, Mr. Lawrence

Merry Christmas, Mr. Lawrence
Talbenn orin	Merry Christmas, Mr. Lawrence
Doare	Brezel, drama
Filmaozour	Nagisa Ōshima
Senario	Nagisa Ōshima Paul Meyersberg
Oberenn orin	The Seed and the Sower (romant, 1963) gant Laurens van der Post
Padelezh	123 munutenn
Produerezh
Produour	Jeremy Thomas
Kevredadoù produiñ	• Cineventure Productions • Recorded Picture Company • Asahi National Broadcasting Company • Oshima Productions
Kevredad dasparzhañ	Soprofilms
Aozerezh
Rener ar skeudenniñ	Tōichirō Narushima
Frammer	Tomoyo Oshima
Aozer ar sonerezh orin	Ryūichi Sakamoto
Ijinour ar son	Akira Honma
Kinklour	Jusho Toda
Dilhataerien	Christine West Kazuo Matsuda Norman Forsey Leslie Gilda
Perukennerez	Glenys Daly
Farderien	Anthony Clavet Robern Pickering Bryony Hurden,
Lec'hioù filmañ	Auckland (Zeland-Nevez) Rarotonga (Inizi Cook)
Er salioù sinema
10 a viz Mae 1983 (Festival de Cannes)
28 Mae '83	Japan
1añ Mez '83	Bro-C'hall (Furyo)
9 Mez '83	Izelvroioù
17 Mez '83	Danmark
25 Eos '83	Rouantelezh-Unanet
26 Eos '83	Sveden
2 Gwe '83	Stadoù-Unanet
8 Gwe '83	Belgia
22 Gwe '83	Aostralia
14 Her '83	Finland

Merry Christmas, Mr. Lawrence (Nedeleg laouen, Aotrou Lawrence e brezhoneg ; Senjō no Merī Kurisumasu 戦場のメリークリスマス e japaneg) zo ur film sevenet gant ar filmaozour japanat Nagisa Ōshima e 1983.

E broioù 'zo e oa bet divizet envel ar film Furyo (俘虜 e japaneg) diouzh an anv a veze graet eus ar brizonidi vrezel gant ar soudarded japanat e-pad an Eil Brezel-bed.

Ar sonerezh er film

Pouezus eo ken ez eo ar sonerezh a oa bet aozet gant Ryūichi Sakamoto e-unan (o terc'hel roll ar c'habiten Yonoi ivez) : n'eo ket gaou lavaret en devoa graet berzh ar film a-drugarez dezhañ ivez. Ken ma voe tapet ar BAFTA Award for Best Film Music gant ar sonaozer japanat.

1. Merry Christmas Mr. Lawrence,
2. Batavia,
3. Germination,
4. A Hearty Breakfast,
5. Before the War,
6. The Seed and the Sower,
7. A Brief Encounter,
8. Ride, Ride, Ride (Celliers' Brother's Song),
9. The Fight,
10. Father Christmas,
11. Dismissed,
12. Assembly,
13. Beyond Reason,
14. Sowing the Seed,
15. 23rd Psalm,
16. Last Regrets,
17. Ride, Ride, Ride (Reprise),
18. The Seed,
19. Forbidden Colours.

An danvez

1942, e Jawa (Indonezia). E penn ur c'hamp prizonidi vrezel emañ ar c'habiten japanat Yonoi, un den yaouank ran gant an enor hag ar genurzh. Fae a ra ouzh ar brizonidi dre n'eo ket evit kompren n'o defe ket klasket en em lazhañ e-lec'h bezañ tapet. Dibabet eo da vont da vBatavia da skoazellañ prezidant al lez-brezel a rank barn un ofiser breizhveuriat — ar major Jack Celliers — a oa en em zaskoret d'an arme japanat. Ken hoalet ha strafuilhet eo gant emzalc'h her an ofiser saoz ma salv Yonoi buhez e enebour : kaset eo Celliers d'e gamp.

Eno e c'han, buan a-walc'h, darempredoù iskis etre ar prizoniad nevez-arruet hag e vac'her, pep hini anezhe rannet e askre gant darvoudoù kriz c'hoarvezet da vare o yaouankiz. E-kreiz ar stad-se emañ ivez John Lawrence, un uhelofiser hag a gomz japaneg flour dre ma oar mat diouzh sevenadur Japan hag ar serjant Gengo Hara, un isofiser blech e karg eus ar warded japanat. Delc'her penn a ra Jack Celliers ouzh Yonoi bet komprenet emañ hemañ dindan gazel-ge gantañ.

Un deiz, gourdrouz a ra Yonoi dibennañ ar c'habiten Hicksley – komandant ar brizonidi – ma ne ziskuilh-eñ ket pet arbennigour war an armoù ez eus en o zouez. Dont a ra Celliers da bokat d'ar c’habiten japanat ouzh e zivrudañ dirak an holl brizonidi ha soudarded bodet. Erlec'hiet eo Yonoi gant un ofiser all hag a c'hourc'hemenn ma vo douaret korf Jack Celliers, nemet e benn, betek ma tremeno. Mervel a raio Yonoi ivez kent dibenn ar brezel, bet dalc'het gantañ ur guchenn bet troc'het eus pennad-blev Celliers p'edo war e dremenvan en e doull.

Diwezhatoc'h, e 1946, en do Lawrence amzer da weladenniñ ar serjant Hara en e gell ha da doullañ kaoz gantañ a-raok bezañ kaset d'ar marv. Oc'h ober meneg eus an noz Nedeleg p'en doa divac'het Celliers ha Lawrence, hag eñ mezv-dall, e taol dezhañ : « Merry Christmas! Merry Christmas, Mr Lawrence! » da gimiadiñ...

Roll ar gomedianed

• Tom Conti : al letanant-koronal John Lawrence,
• David Bowie : ar major Jack Celliers, "Straffer" e lesanv,
• Takeshi : ar serjant Gengo Hara,
• Ryūichi Sakamoto : ar c'habiten Yonoi,
• Jack Thompson : ar c'habiten Hicksley,
• Johnny Okura : ar gward korean Kanemoto,
• Alistair Browning : ar prizoniad izelvroat De Jong,
• James Malcolm : breur Jack Celliers,
• Chris Broun : Jack Celliers d'e zaouzek vloaz,
• Yūya Uchida : komandant ar prizon milourel,
• Ryūnosuke Kaneda : prezidant al lez-brezel,
• Takashi Naitō : al letanant Iwata,
• Tamio Ishikura : ar prokulor,
• Rokko Toura : ar jubennour,
• Kan Mikami : ar c'habiten Ito,
• Yūji Honma : ar soudard Yajima,
• Daisuke Iijima : ar c'horporal Ueki,
• Hideo Murota : komandant nevez ar c'hamp,
• Barry Dorking : ar pennmedisin,
• Geoff Clendon : ar medisin aostralian,
• Grant Bridger : un ofiser prizoniat,
• Ian Miller : ur gward saoz,
• Don Stevens : ur pastor,
• Richard Adams, Geoff Allen, Michael Baxter-Lax, Mark Berg, Marcus Campbell, Colin Francis, Richard Hensby, Richard Hoare, Martin Ibbertson, Rob Jayne, Richard Mills, Mark Penrose, Arthur Ranford, Steve Smith, Stephen Taylor, Rex Wilmshurst ha Richard Zimmerman : prizonidi vrezel.

David Bowie

E barr e vrud e oa ar c'haner saoz e 1983. E miz Ebrel e oa deuet e-maez Let's Dance, e bemzekvet albom studio enrollet e Manhattan e-kerzh miz Kerzu 1982. N'en devoa ket kavet e hent evel aktour filmoù hir c'hoazh, bet kemeret gantañ en oberennoù dister pe zisteroc'h — The Man Who Fell to Earth (1976), Schöner Gigolo, armer Gigolo (1978), Christiane F. – Wir Kinder vom Bahnhof Zoo (1981) — betek neuze. Gant perzh an disuj a vajor Jack Celliers e tiskouezas pegen dibar e c'helle bezañ e skodenn d'ar Seizhvet Arz.

Liammoù diavaez

• Merry Christmas, Mr. Lawrence war Internet Movie Database
• Tañvadenn ar film