Guidobaldo II Della Rovere

Guidobaldo II della Rovere, poltredet gant Angelo Bronzino.

Giulia da Varano, e bried kentañ, poltredet gant Tizian.

Vittoria Farnese (1521-1602), e eil pried.

Guidobaldo II della Rovere (Urbino 1514-1574 Pesaro) a oa dug Urbino. Mab e oa da Francesco Maria Iañ della Rovere ha d'e bried Eleonora Gonzaga della Rovere, ha ren a reas war-lerc'h e dad .

E vuhez

En 1532 e kemeras perzh e kêr Venezia e dibunadeg ofiserien ar Republik, pa oa e dad e penn an arme. Da ugent vloaz, e vagas Guidobaldo karantez ouzh ur verc'h da Giordano Orsini met e dad a reas dezhañ dimeziñ da Giulia Varano, merc'h da aotrou Camerino.

En 1546, e koun ar servijoù rentet gant e dad d'ar Republik, e voe roet dezhañ ar garg a rener armeoù Venezia hag an titl a c'houarnour.

Mervel a reas e bried Giulia Varano d'an 18 a viz C'hwevrer 1547 da dri bloaz warn-ugent ; bloaz goude e timezas da Vittoria Farnese (1521-1602) d'ar 26 a viz Genver 1548.

Dimezioù ha bugale

• Giulia da Varano, a c'hanas ur verc'h anvet Virginia.
• Addimezet e miz Genver 1548 da Vittoria Farnese (1521-1602), merc'h da Pier Luigi Farnese ha Gerolama Orsini, ha merc'h-vihan d'ar pab Paol III. Tri bugel he doe :
  • Isabella della Rovere (1554-1619), a zimezas da Niccolò Bernardino Sanseverino, priñs Bisignano ;
  • Francesco Maria II della Rovere (1549-1631), dug Urbino war-lerc'h e dad, a zimezas div wech :
    • da Lucrezia d'Este, priñsez a gêr Modena,
    • ha da Livia della Rovere ;
  • Lavinia della Rovere (1558-1632), dimezet da Alfonso Felice d'Avalos, priñs Francavilla.

Vittoria a zesavas ivez he nizez Clelia Farnese, merc'h d'he breur kardinal, Alessandro Farnese, ouzhpenn he merc'hed Isabella ha Lavinia.

Arz

Eñ an hini a c'houlennas digant al livour Tizian livañ Gwener Urbino en 1538.