Wikipédi:Nyaho ga' lu

Ni halaman ngunjukin tukilan ujar Nyaho ga' lu pada bakal dipampangin di balé-balé, tuker-tukeran tiap bulannya. Makalah nyang dibikinin tukilan di sini kudu nutugin ni patokan dua:

Baru – tu makalah nyang dibikinin tukilan kudu baru dikeja atawa didandanin 6 bulan belakangan.
Gableg sumber – kaga' misti semakalah-makalahnya, tapi paling ga' tu tukilan nyang dicomot kudu ada sumbernya.

Pintesan

Nyang lagi dipampangin

Ida Royani taon 1967

... kalo gelumat atawa geladag entu atu telepekan kapal punya bagéan nyang ngerurubin rangka-rangka bakal jadi lanténya?
... kalo biasanya hak keja entu ngelah témpo kaci nyang kena' diwatesin?
... kalo Ida Royani entu kecatet jadi tukang rancang baju selam pertama di Indonésia, èn juga' tau nimbrung adu pèjèng baju selam di macem-macem negara, deri Singapur ampé ke Pakistan?
... kalo San Marino punya negeri entu atu kiblik paling kolot di antéro dunia nyang masing nanggrak lagi ampé wayah gini?

Daptar

April

... kalo Roma galib dirèken jadi awal mula brojolnya peradaban Kulon èn budaya Serani?

Méi

... kalo Èropa Rempug ngelah ciri-ciri pulitik nyang sokanan dianggep laèn kendiri, bahna dia kaga' kaya' serèkat dulu-dulu atawa serambahannya?
... kalo aselinya di Kulon sono Mèkdi kaga' jual ayam?
... kalo kota nama Sint-Piterbereh di Ruslan entu bahelanya punya nama Pètrograd, terus Lèninggrad?
... kalo si Spombop entu diumrup awal-awalnya tanggal 1 Méi 1999 di sebabak jajalan dia punya pèlem cèmèn nyang judulnya "Help Wanted"?

Juni

... kalo Hèlsingki entu digero "bocah no'nya Laot Baltik" dalem sa'ir-sa'ir?
... kalo awal mulanya tu topèng Betawi dibikin ama Ma' Kinang èn Kong Ji'un di tahon 1930, kesawaban ama ibingan topèng Cerbon?

Juli

Bintang sapu Hèli

... kalo bintang sapu entu banyakan datengnya deri lingkeran Kèper?
... kalo adu bola tendang punya dus-dusan entu atu cara nyabitin sapa nyang menang kapan entu tim dua pada seri baé golnya?
... kalo jontrot klik entu tulisan atawa sènggètan longokan nyang dibikin biar ngebèngbat pemaké maranin tu sènggètan bakal ngebaca, ngedeleng, atawa nengerin isi-isinya?
... kalo Kuripan ada punya raja entu cuman atu doang, nama Aèrlangga?

Agustus

... kalo di orang Mengkabo punya terdisi masak, lontong sayur digero juga' "lontong gulé", èn dia punya kuah santennya medok paké bumbu seabreg?
... kalo orang Tionghoa punya kiblik kongsi di bekulon Kalimantan dulunya entu diperènta ama kera'yatan langsung?

Sèptèmber

... kalo bongmè' entu atu cara ngebong atawa merèksa di macem-macem terdisi ngobatin, mulain deri Ayurwéda ampé kedukunan Tionghoa?
... kalo cogroh budaya entu penyomotan nyang kaga' kena diterima deri atu kaum punya unsur budaya atawa kedèwèkan ama atu anggota kaum nyang laèn kedèwèkan?
... kalo orang Welanda ama peranakan-peranakannya kesebar di seantéro dunia, mulain deri Kepuloan Karaiben, Aprika Kidul, ampé Niu-Sélan?
... kalo Usbèkistan entu atu negara kecempèt rangkep dua, bahna dia dikulilingin ama lima negara nyang pada kecempèt juga'?

Oktober

Stèngkul atawa areng batu

... kalo tukang igel cokèk punya pakéan entu biasanya baju kurung ama celana panjang deri bahan kaya' sutra keliran?
... kalo Aprika Kidul punya Gunung Méja entu dapet nama deri dia punya puncak di 1.084,6 mdpl nyang cèpèr aja kaya' méja?
... kalo di beberapa negara, nggacengin jeriji jejangkung sendèwèkan dianggep ngunjukin ma'na "kokbrut"?
... kalo stèngkul entu kebentuknya deri tenegan organik kaya' rèstan tumbu-tumbuan nyang dapet anget ama tekenan deri jutaan taon keurugan?

Nopèmber