9К55
| 9К55 | |
|---|---|
| Тып: | |
9К55 «Град-1» — савецкая палкавая рэактыўная сістэма залпавага агню, створаная на базе РСЗА 9К51 «Град».
Гісторыя стварэння
[правіць | правіць зыходнік]Праца па стварэнні сістэмы «Град-1» была пачата па пастанове Савета Міністраў СССР № 71-26 ад 21 студзеня 1970 года. Галоўным распрацоўшчыкам сістэмы было прызначанае НВА «Сплаў». Распрацоўка баявой машыны была даручана Дзяржаўнаму канструктарскаму бюро кампрэсарнага машынабудавання пад кіраўніцтвам галоўнага канструктара А. І. Яскіна. У 1976 годзе РСЗА 9К55 была прынята на ўзбраенне[1][2].
Апісанне канструкцыі
[правіць | правіць зыходнік]Асноўным прызначэннем 9К55 з’яўляецца абсталяванне палкавых падраздзяленняў марской пяхоты. Сістэма здольная душыць жывую сілу праціўніка і знішчаць небраніраваную тэхніку і бронетранспарцёры ў раёнах навалы варожых падраздзяленняў. У склад сістэмы 9К55 уваходзяць[1][2]:
- Баявая машына 9П138;
- Транспартная машына 9Т450;
- некіравальныя рэактыўныя снарады 9М28Ф;
- Камплект з адмысловым арсенальным абсталяваннем 9Ф380.
Баявая машына 9П138
[правіць | правіць зыходнік]Баявая машына 9П138 уяўляе сабой палегчаную версію БМ-21. У якасці базы выкарыстоўваецца армейскі грузавы аўтамабіль ЗІЛ-131. На грузавой платформе аўтамабіля ўсталяваны станок з пакетам з 36 накіроўвалых. У задняй частцы платформы знаходзяцца адкідныя ўпоры з двума амартызатарамі, для паглынання разварушвання пры вядзенні агню[1][2].
У наменклатуру боепрыпасаў уваходзяць наступныя тыпы снарадаў[1]:
- 3М16 — рэактыўны снарад з касетнай галаўной часткай, у складзе галаўной часткі знаходзяцца 5 супрацьпяхотных мін ПАМ-2;
- 9М28К — рэактыўны снарад з касетнай галаўной часткай, у складзе галаўной часткі знаходзяцца 3 супрацьтанкавыя міны ПТМ-3;
- 9М28С — рэактыўны снарад з запальнай галаўной часткай;
- 9М28Ф — рэактыўны снарад з аддзяляемай фугаснай галаўной часткай.
Зараджэнне машыны вырабляецца ўручную, альбо з грунту, альбо з транспартна-зараджальнай машыны 9Т450. Дзякуючы больш нізкай пасадцы пакета з накіроўвалымі, працэс зараджання істотна палегчаны. Поўны цыкл перазарадкі складае ад 12 да 15 хвілін. Пуск можа ажыццяўляцца як адзінкавымі стрэламі, так і залпам з як з кабіны, так і з выноснага пульта на адлегласці да 60 метраў ад машыны. Механізмы навядзення ручныя. Станок можа наводзіцца ў гарызантальнай плоскасці без перастаноўкі шасі ў дыяпазоне кутоў ад -60° да +60°, а ў вертыкальнай — ад 0° да + 55°[1].
Транспартная машына 9Т450
[правіць | правіць зыходнік]Для перавозкі боепрыпасаў, могуць выкарыстоўвацца як грузавікі ЗІЛ-130, ЗІЛ-157К або Урал-4320 з камплектам стэлажоў РСЗА, так і транспартная машына 9Т450 з камплектам стэлажоў, выкананая таксама на базе ЗІЛ-131 і прынятая ў 1983 годзе на ўзбраенне. Для вядзення начных баявых дзеянняў машына абсталёўваецца прыборам начнога бачання ПНВ-57Е. Радыёсувязь забяспечваецца з дапамогай радыёстанцыі Р-108М[1].
Мадыфікацыі
[правіць | правіць зыходнік]- 9К55 «Град-1» — колавы варыянт з баявой машынай 9П138 і транспартнай машынай 9Т450
- 9К55-1 «Град-1»— гусенічны варыянт з баявой машынай 9П139 на базе самаходнай гаўбіцы 2С1 «Гваздзік» і транспартна-зараджальнай машынай 9Т451 на базе шмат-мэтавага гусенічнага транспортера МТ-ЛБ «Маргарытка»
Аператары
[правіць | правіць зыходнік]
СССР
Беларусь — 5 9П138, па стане на 2010 год[3]
Ірак — колькасць і статус невядомыя[2]
Казахстан — колькасць і статус невядомыя[2]
Расія:
- Сухапутныя войскі Расіі — 420 9П138 на захоўванні, па стане на 2016[4]
Туркменістан — 18 9П138, па стане на 2016[5]
Узбекістан — 24 9П138, па стане на 2016 год[6]
Украіна — 18 9П138, па стане на 2016[7]
Баявое прымяненне
[правіць | правіць зыходнік]- Афганская вайна (1979—1989) — ужываліся савецкімі войскамі[2].
Захаваныя асобнікі
[правіць | правіць зыходнік]Фотагалерэя
[правіць | правіць зыходнік]- Град-1 з паднятымі накіроўвалымі
-
-
-
-
-
від на табліцу накіроўвалых з парадкам адстрэлу снарадаў
Зноскі
- ↑ а б в г д е Карпенко А. В., Современные реактивные системы залпового огня, стр. 18—19
- ↑ а б в г д е Гуров С. В.. Реактивная система залпового огня 9К55 «Град-1» (руск.)(недаступная спасылка). Ракетная техника. Архівавана з першакрыніцы 18 мая 2012. Праверана 15 студзеня 2012.
- ↑ The Military Balance 2010. — P. 178.
- ↑ The Military Balance 2010. — P. 190.
- ↑ The Military Balance 2010. — P. 203.
- ↑ The Military Balance 2010. — P. 208
- ↑ The Military Balance 2010. — P. 205.
- ↑ Рузаев С.В. Артиллерийские системы из коллекции музея военной техники УГМК. — Екатеринбург: Уральский рабочий, 2017. — 80 с. — 1000 экз. — ISBN 978-5-85383-687-7.
Літаратура
[правіць | правіць зыходнік]- Карпенко А. В. Реактивная система залпового огня «Град-1» с боевой машиной 9П138 // Современные реактивные системы залпового огня. — С. 18—19. — 76 с.
Спасылкі
[правіць | правіць зыходнік]- Гуров С. В.. Реактивная система залпового огня 9К55 «Град-1» (руск.). Ракетная техника. Архівавана з першакрыніцы 18 мая 2012. Праверана 15 студзеня 2012.