Оскар Піхт
| Оскар Піхт | |
|---|---|
 | |
| Дата нараджэння | 27 мая 1871[1] |
| Месца нараджэння | |
| Дата смерці | 15 жніўня 1945[1] (74 гады) |
| Месца смерці | |
| Грамадзянства | |
| Род дзейнасці | настаўнік, вынаходнік |
 Медыяфайлы на Вікісховішчы | |
Оскар Піхт (27 мая 1871[1], Пазевальк, Мекленбург-Пярэдняя Памеранія[2] — 15 жніўня 1945[1], Bergholz-Rehbrücke[d], Брандэнбург[3]) — вынаходнік пішучай машынкі для сляпых, які ў пачатку 20-га стагоддзя прадставіў шэраг інавацыйных рашэнняў для палягчэння навучання і спрашчэння паўсядзённага функцыянавання для людзей з парушэннямі зроку
Біяграфія
[правіць | правіць зыходнік]Оскар Піхт нарадзіўся 27 мая 1871 года ў у Пазевальку ў сям’і пекара Вільгельма і яго жонкі Герміны. Скончыў муніцыпальную школу ў Пазевальку, а затым Вышэйшую школу для хлопчыкаў (Höhere Knabenschule). У 1886—1891 гадах навучаўся ў настаўніцкай семінарыі ў Паліцы.
24 красавіка 1902 года ён ажаніўся з Маргарэт Шарлотай Конрад, з якой у яго было трое дзяцей.
Памёр Оскар Піхт ва ўзросце 74 гадоў. Пахаваны на могілках у нямецкім Нутэталі[4].
Пішучая машынка для сляпых
[правіць | правіць зыходнік]Пасля заканчэння настаўніцкай семінарыі ў 1891 годзе, Піхт вырашыў перарыентавацца на навучанне людзей з парушэннямі зроку. Для гэтага ен дадаткова пайшоў навучацца ў 1897—1899 гадах у дзяржаўным Цэнтры сляпых у Берліне. Акурат пасля заканчэння навучання, у 1899 годзе ен стварыў першую пішучую машынку для сляпых з шрыфтам Брайля. У 1901 годзе ён запатэнтаваў свае вынаходніцтва. Да 1932 года Піхт агулам запатэнтаваў каля 10 канструкцый пішучых машынак для людзей з парушэннямі зроку. У 1910 годзе Піхтам была сканструявана пішучая машынка, якая дазваляла друкаваць тэкст не на аркушы паперы, як раней, а на палосцы паперы (т.з. Stenomaschine)[5].
Пад кіраўніцтвам Піхта быў створаны спецыяльны выпуклы глобус для сляпых. Па яго ж ініцыятыве быў зняты першы фільм пра сляпых «Нашы сляпыя і іх свет» (ням. Unsere Blinden und ihre Welt).
У 1912 годзе (па іншым звесткам 1910) Піхт стаў дырэктарам Цэнтра сляпых ў польскім Быдгашчы. Пазней у 1920—1933 гадах ён узначальваў дзяржаўны Цэнтра сляпых ў Берліне, дзе калісьці навучаўся. Пасля выхаду на пенсію, з 1934 года, Піхт спачатку жыў у Штэгліцы, а потым пераехаў у прытулак для сляпых у Патсдам-Рэбрук.
Ушанаванне памяці
[правіць | правіць зыходнік]- Сярэдняя школа ў Пазевальку, дзе вучыўся Оскар Піхт носіць яго імя. На сцяне школы ўсталявана мемарыяльная дошка з бюстам вынаходніка
- У 2017 годзе імя Оскара Піхта было прысвоена адмысловаму нізкападлогаваму трамваю, вырабленаму для польскага рынку кампаніяй PESA з польскага Быдгашча.
- У верасні 2024 года Оскару Піхту быў прысвечаны асобны дудл пашуковай сістэмы Google[6]
Крыніцы
[правіць | правіць зыходнік]- ↑ а б в г Deutsche Nationalbibliothek Record #117685976 // Агульны нарматыўны кантроль — 2012—2016. Праверана 5 мая 2014.
- ↑ а б Deutsche Nationalbibliothek Record #117685976 // Агульны нарматыўны кантроль — 2012—2016. Праверана 18 снежня 2014.
- ↑ а б Oskar Picht 1871-1945 Праверана 23 верасня 2024.
- ↑ Wer wohnte wo? Band 2 / herausgegeben von Dr. Elvira Schmidt und Martin Siegert / Elvira Schmidt, Martin Siegert. — Barleben: docupoint GmbH, 2023. — 94 с. — ISBN 978-3-86912-189-5.
- ↑ 770 Jahre Pasewalk, 1251-2021 / Anke Holstein, Museum der Stadt Pasewalk - Künstlergedenkstätte Paul Holz, Pasewalk. — Pasewalk: Förderverein des Museums der Stadt Pasewalk, 2021. — 120 с. — ISBN 978-3-00-071144-2.
- ↑ Jens. Wer war Oskar Picht? Google zelebriert den Erfinder der Punktschriftmaschine mit einem sehr schönen Doodle(нявызн.). GoogleWatchBlog (23 верасня 2024). Праверана 23 верасня 2024.
