Міскітас
| Міскітас | |
|---|---|
| Cayos Miskitos y Franja Costera Inmediata | |
 | |
|
Катэгорыя МСАП — Ia (Строгі прыродны рэзерват) |
|
| Размяшчэнне | Нікарагуа |
| Плошча | 8335,2 км² |
| Дата заснавання | 1991 |
| Сусветная спадчына | The Natural Reserve "Miskitos Keys" |
  Міскітас |
|
Каёс Міскі́тас (ісп.: Cayos Miskitos) — архіпелаг і біясферны запаведнік на захадзе Карыбскага мора. Уваходзіць у склад Нікарагуа. Агульная плошча — 8335,2 км². З іх толькі 27 км² заняты сушай.
Архіпелаг Міскіта складаецца з 76 фармацый, у тым ліку зараснікаў марской травы, каралавых рыфаў і невялікіх астраўкоў, якія месцяцца на водмелі, створанай наносамі мацерыковых рэк. 12 астраўкоў і скал пакрыты манграмі і іншымі раслінамі. Найбуйнейшыя астравы: Каё Маёр, Каё Марас, Каё Наса і Каё Моррысан Дэніс. Архіпелаг насяляюць марскія птушкі, марскія кракадзілы, яшчаркі, карыбскія чарапахі. Тэрыторыя біясфернага запаведніка ахоплівае таксама навакольныя марскія воды.
Біясферны запаведнік створаны ў 1991 г. У 1995 г. унесены ў папярэдні спіс сусветнай спадчыны ЮНЕСКА. У 2001 г. атрымаў статус рамсарскага ўгоддзя.