Ліза Нордэн

Ліза Нордэн
Агульная інфармацыя
Пол	жанчына
Спецыялізацыя	трыятлон і веласіпедны спорт
Нарадзілася	24 лістапада 1984(1984-11-24) (40 гадоў) Крысціянстад, камуна Крысціянстад, Лен Крысціянстад, Швецыя
Грамадзянства	Швецыя
Рост	176 см
Вага	58 кг
Афіцыйны сайт (англ.)​ (шведск.)
Медыяфайлы на Вікісховішчы

Ліза Нордэн (швед. Lisa Nordén; нар. 24 лістапада 1982, Крыстыянстад) — шведская трыятланістка, чэмпіёнка свету, прызёр Алімпійскіх гульняў.

Біяграфія

Нарадзілася 24 лістапада 1882 года ў горадзе Крыстыянстад. У дзяцінстве займалася конным спортам (коннае трохбор’е). У 2000 годзе ўпершыню паспрабавала сябе ў трыятлоне. У 2002 годзе пасля траўмы свайго каня, сышла з коннага спорту па прычыне адсутнасці ў сям’і грошай на набыццё новага элітнага каня. Засяродзілася на занятках (трыятлон). У 2007 годзе выйграла кубак свету сярод юніёраў (U23).

У 2008 годзе дэбютавала ў дарослым спорце. На чэмпіянаце Еўропы заняла 3-е месца. На чэмпіянаце свету стала дваццатай. Дзякуючы добрым вынікам прайшла адбор у шведскую зборную на Алімпійскія гульні ў Пекіне, дзе паказала 18-ы вынік. У гэтым жа годзе стала чэмпіёнкай Швецыі.

У 2009 годзе ўпершыню выйграла этап чэмпіянату сусветнай серыі ў Якагама, па выніках года стала ўладальніцай сярэбранай ўзнагароды чэмпіянату свету (з 2009 года пераможца чэмпіянату сусветнай серыі пачаў атрымліваць тытул чэмпіёна свету).

У сезоне 2010 гады атрымала траўму спіны на аднаўленне ад якой пайшла першая частка сезону, аднак нягледзячы на гэты факт стала бронзавым прызёрам чэмпіянату Еўропы ў Ірландыі. Пазней, дзякуючы перамозе на этапе чэмпіянату сусветнай серыі ў Гамбургу ў ліпені і другога месца на этапе ў Кіцбюэле ў жніўні, размясцілася трэцяй у выніковым пратаколе і атрымала бронзавую ўзнагароду чэмпіянату свету.

У 2012 годзе на Алімпійскіх гульнях у Лондане спартсменка заваявала сярэбраную ўзнагароду, саступіўшы пераможцы швейцарцы Ніколе Шпірыг на фінішы толькі 0,009 секунды (па дадзеных фотафінішу). У жніўні і верасні 2012 года яна выйграла два этапы чэмпіянату сусветнай серыі і ў выніку стала чэмпіёнкай свету.

У 2012 годзе была прызнана лепшым спартсменам Швецыі і атрымала залаты медаль, заснаваны выданнем «Svenska Dagbladet».