Лабін (харв.: Labin) — горад у Харватыі, ва ўсходняй частцы паўвострава Істрыя. Насельніцтва — 11 642 чалавека (па дадзеных перапісу 2011). Размешчаны на шашы Пула — Рыека за 5 км ад узбярэжжа заліва Кварнер, горад звязаны рэгулярнымі аўтобуснымі маршрутамі з Пулай, іншымі істрыйскімі гарадамі, а таксама з Рыекай і праз яе з астатняй Харватыяй.
Старая частка Лабіна знаходзіцца на вяршыні пагорка вышынёй 320 метраў. Новыя кварталы горада, званыя таксама Падлабін, размешчаны ля яго падножжа. Многія гады Лабін быў галоўным вуглездабычным цэнтрам у Харватыі, аднак паступова ўсе шахты былі зачыненыя (апошняя — у 1972 годзе). Зараз галоўная крыніца даходаў горада — турызм.
