Карлес Пуёль

Карлес Пуёль
Агульная інфармацыя
Поўнае імя	Карлес Пуёль і Сафаркада
Мянушка	Львінае сэрца, «Жалезны Карлес»
Нарадзіўся	13 красавіка 1978(1978-04-13)[…] (46 гадоў) Побла-дэ-Сегур, Іспанія
Грамадзянства	Іспанія
Рост	178
Вага	81
Пазіцыя	Абаронца
Інфармацыя пра клуб
Клуб	завяршыў кар’еру
Маладзёжныя клубы
1993—1995 Побла-дэ-Сегур 1995—1996 Барселона
Клубная кар’ера
1996—1997 Барселона C 1997—1999 Барселона B 89 (6) 1999—2014 Барселона 392 (12)
Нацыянальная зборная
1995 Іспанія (да 18) 3 (0) 2000 Іспанія (да 21) 4 (0) 2000 Іспанія (да 23) 5 (0) 2000—2013 Іспанія 100 (3) 2001—2013 Каталонія 6 (0)
Узнагароды і медалі
Алімпійскія гульні Срэбра Сідней 2000 футбол Чэмпіянаты свету Золата ПАР 2010 Кубкі канфедэрацый Бронза ПАР 2009 Чэмпіянаты Еўропы Золата Аўстрыя/Швейцарыя 2008
Медыяфайлы на Вікісховішчы

Карлес Пуёль і Сафаркада (катал.: Carles Puyol i Saforcada; 13 красавіка 1978 года ў Ла-Побла-дэ-Сегур, Каталонія, Іспанія) — былы каталонскі і іспанскі футбаліст, які ўсю сваю кар’еру правёў у «Барселоне». Апошнія свае сезоны з’яўляўся капітанам каманды. Ён таксама рэгулярна выступаў за нацыянальную каманду Іспаніі. Пуёль выступаў за зборную Іспаніі на Алімпійскіх гульнях 2000 года, Кубках свету 2002, 2006 і 2010 гадоў і Чэмпіянатах Еўропы 2004 і 2008 гадоў. Ён таксама згуляў у чатырох гульнях за неафіцыйную нацыянальную зборную Каталоніі.

Біяграфія

Пуёль першапачаткова пачаў гуляць у футбол на пазіцыі брамніка ў клубе свайго роднага горада Ла-Побла-дэ-Сегур, але быў вымушаны перакваліфікавацца ў нападніка пасля таго, як атрымаў пашкоджанне пляча. Ён трапіў у «Барселону B» ва ўзросце 17 гадоў у 1996 годзе, а ў 1999 трэнер Луі ван Гал перавёў яго ў першую каманду. Карлес дэбютаваў 2 кастрычніка ў гульні супраць «Вальядаліда», якую «Барселона» выйграла 2:0. За блакітна-гранатавых Пуёль пачынаў гуляць на пазіцыі правага абаронцы, але потым перакваліфікаваўся ў надзейнага цэнтральнага абаронцу з моцнымі лідарскімі якасцямі. Ён атрымаў узнагароду УЕФА, як лепшы правы абаронца ў 2002 годзе. У сезоне 2003—2004 Пуёль спачатку абіраецца капітанам «Барселоны», а потым, на невялікі час, і зборнай Іспаніі. 17 мая 2006 года, «Барселона», з Пуёлем-капітанам, выйграе Лігу чэмпіёнаў, адолеўшы «Арсенал» у фінале. Карлес зрабіўся першым капітанам-каталонцам, які выйграў гэты трафей. Пуёль у тым сезоне таксама атрымаў узнагароду УЕФА, як лепшы абаронца Лігі чэмпіёнаў.

Дасягненні

«Барселона»:

• Чэмпіён Іспаніі (6): 2005, 2006, 2009, 2010, 2011, 2013
• Уладальнік Кубка Іспаніі (2): 2009, 2012
• Уладальнік Суперкубка Іспаніі (6): 2005, 2006, 2009, 2010, 2011, 2013
• Пераможца Лігі чэмпіёнаў (3): 2006, 2009, 2011
• Уладальнік Суперкубка Еўропы (2): 2009, 2011
• Пераможца клубнага чэмпіянату свету (2): 2009, 2011

Іспанія:

• Чэмпіён Еўропы: 2008
• Чэмпіён свету: 2010
• Сярэбраны прызёр Алімпійскіх гульняў: 2000

Спасылкі

• На Вікісховішчы ёсць медыяфайлы па тэме Карлес Пуёль
• Профіль на афіцыйным сайце ФК «Барселона» Архівавана 30 красавіка 2008.
• Профіль іграка на FootballDatabase
• Фан-сайт
• Блёг Карлеса Пуёля Архівавана 18 лістапада 2011.