Дырк Сцікер

Дырк Сцікер
нідэрл.: Dirk Uipko Stikker
міністр замежных спраў Нідэрландаў[d] 1948 — 1952
Папярэднік	Pim van Boetzelaer van Oosterhout[d]
Пераемнік	Johan Willem Beyen[d]
3-і генеральны сакратар НАТА 21 красавіка 1961 — 1 жніўня 1964
Папярэднік	Поль-Анры Спаак
Пераемнік	Манліё Бразіё
член Сената Нідэрландаў[d] 20 лістапада 1945 — 7 жніўня 1948
Нараджэнне	5 лютага 1897(1897-02-05)[…] Вінсхотэн[d], правінцыя Гронінген, Нідэрланды, Каралеўства Нідэрландаў
Смерць	23 снежня 1979(1979-12-23)[…] (82 гады) Васэнар[d], Паўднёвая Галандыя, Нідэрланды, Каралеўства Нідэрландаў
Партыя	Народная партыя за свабоду і дэмакратыю
Адукацыя	Гронінгенскі ўніверсітэт
Узнагароды	Wateler Peace Prize[d] (1952) national champion[d]
Медыяфайлы на Вікісховішчы

Дырк Сцікер (нідэрл.: Dirk Uipko Stikker; нар. 5 лютага 1897, Вінсхотэн, Нідэрланды — 23 снежня 1979, Васэнар, Нідэрланды) — нідэрландскі дзяржаўны і палітычны дзеяч, дыпламат, міністр замежных спраў Нідэрландаў (1948—1952), Генеральны сакратар НАТА (1961—1964).

Біяграфія

Нарадзіўся ў сям’і біржавога брокера Уіпка Сцікера (Uipko Obbo Stikker) і Ідзі Мерсінг (Ida Meursing). Яго сям’я пераехала з сельскай мясцовасці ў Гронінген, калі яму было дзесяць гадоў. Дырк даволі часта хварэў падчас вучобы ў гімназіі, таму лячыўся ў швейцарскім санаторыі. З-за слабога здароўя ён не прайшоў тэрміновую службу ў войску. Падчас Першай сусветнай вайны яго бацька падтрымліваў Германію, Дырк — Вялікабрытанію. У 1922 годзе завяршыў навучанне ва ўніверсітэце Гронінгена, дзе вывучаў права. 2 мая 1922 года ажаніўся з Катарынай Паўлінай ван дэр Шыр (Catharina Paulina van der Scheer). У пары было два сыны, яшчэ адзін сын і дачка памерлі ў маленстве.

З 1922 па 1948 год ён займаў розныя пасады ў банкаўскай сферы і прамысловасці. З 1 ліпеня 1935 па жнівень 1948 працаваў дырэктарам піваварнай кампаніі «Heineken».

23 сакавіка 1946 года стаў сузаснавальнікам і да 24 студзеня 1948 года быў членам Партыі свабоды. 24 студзеня 1948 года стаў сузаснавальнікам і да 1954 года быў членам Народнай партыі за свабоду і дэмакратыю.

З 20 лістапада 1945 да 7 жніўня 1948 года ён быў членам Сената Генеральных штатаў. У 1946 годзе прадстаўляў Нідэрланды на канферэнцыі круглага стала пра стан нідэрландскай Вест-Індыі, а ў 1948 годзе — Інданезіі. З 1948 па 1952 год быў міністрам замежных спраў Нідэрландаў. У 1950 годзе стаў палітычным пасярэднікам Арганізацыі эканамічнага супрацоўніцтва і развіцця (АЭСР), а затым яе старшынёй. Ён быў паслом у Лондане з 1952 па 1958 год, а потым у Рэспубліцы Ісландыя.

З ліпеня 1958 года Дырк Сцікер быў прызначаны пастаянным прадстаўніком Нідэрландаў у Паўночнаатлантычным Савеце. У красавіку 1961 года Паўночнаатлантычны савет абраў яго Генеральным сакратаром НАТА і старшынёй Паўночнаатлантычнага савета пасля Поль-Анры Спаака. 1 жніўня 1964 года ён сышоў у адстаўку ў сувязі з кепскім станам здароўя, яго пераемнікам стаў Манліё Бразіё. Дырк Сцікер памёр у 1979 годзе.

Спасылка

• Спартыўная кар’ера