Джонатан Рычард Гай Грынвуд (англ.: Jonathan Richard Guy Greenwood, нар. 5 лістапада1971, Оксфард, Англія) — брытанскі музыкант, сола-гітарыст гурта Radiohead, бас-гітарыстам якога з’яўляецца яго брат Колін. Грынвуд — мультыінструменталіст, акрамя гітары ён іграе на скрыпцы, аргане, фартэпіяна, хвалях Мартэна, банджа, губным гармоніку і некаторых іншых інструментах. За напісанне музыкі да карціны Пола Томаса Андэрсана «Прывідная нітка» быў намінаваны на прэміі «Оскар», BAFTA і «Залаты глобус» у катэгорыі «Лепшая арыгінальная музыка». Часопіс Rolling Stone змясціў Грынвуда на 59-е месца ў спісе «100 найвялікшых гітарыстаў усіх часоў».
Медыяфайлы на Вікісховішчы
