Брыг (ням.: Brig, фр.: Brigue, італ.: Briga) або Брыг-Гліс (Brig-Glis) — горад на поўдні Швейцарыі ў кантоне Вале, каля паўночнага падножжа перавала Сімплон. Цэнтр аднайменнай акругі. размешчаны на вышыні 681 метр над узроўнем мора на паўднёвым беразе ракі Рона, у даліне, якая падзяляе Бернскія і Пенінскія Альпы. Горад акружаны гарамі Глісхорн (2 525 м), Фюлхорн (2 738 м), Штральхорн (3 200 м) і Шпархорн (3 012 м). Размешчаны за 54 км на ўсход ад сталіцы кантона — горада Сьёна. Насельніцтва — 11 882 чалавек (2002).
