Аполле (рэгіён, Украіна)

Прыднястроўскае Аполле

Аполле (Падольскае сугор’е) — этнагеаграфічны рэгіён на захадзе Украіны ў заходняй частцы Падольскага ўзвышша.

Звесткі

Размешчана на паўднёвы ўсход ад Львова ў межах Львоўскай, Івана-Франкоўскай і Цярнопальскай абласцей. На ўсходзе мяжуе з ракой Залатая Ліпа, на захадзе — з ракой Верашчыцай (па іншым крыніцам — з ракой Шчыркаю), на поўдні падыходзіць да Днястра, на поўначы — да Львоўскага плато, Голагораў і Перамышлянскага нізкагор’я. Дзеліцца на прыродныя раёны: Рагатынскае Аполле, Прыднястроўскае Аполле, Ходараўскае Аполле, Львоўскае Аполле, Бурштынскае Аполле і Галіцкае Аполле.

Адной з частак Аполля з’яўляецца Беражанска-Цярнопальскае ўзвышша.

Пераважныя вышыні — 350—400 м. Раздзелены рэкамі Шчырка, Зубра, Давыдаўка, Бібрка, Свірж, Гнілая Ліпа, Сцюдзёны Пацік, Нараеўка (усе — левыя прытокі Днястра). Распаўсюджаныя букава-дубовыя лясы на шэрых лясных глебах. Значныя плошчы разараныя, густа заселеныя.

Вяршыні

• Іванава (352 м)
• Лысая (363 м)
• Пастяўнік (355 м)
• Кабыліца (400 м)
• Высокая (400 м)
• Беніўка (368 м)
• Доўгая (405 м)
• Чорная (402 м)
• Высокая Гара (415 м)
• Лысоня (399 м)
• Папеліха (443 м)

Этнарэгіён

Назва Аполле таксама тычыцца этнаграфічнага рэгіёну, які цалкам або часткова ахоплівае Бродыўскі, Бускі, Жыдачыўскі, Золачыўскі, Каменка-Бугскі, Мыкалаіўскі, Перамышлянскі, Пустомытаўскі раёны Львоўскай вобласці; Галыцкі, Рагатынскі раёны Івана-Франкоўскай вобласці; Бэрэжанскі, Бучацкий, Збароўскі, Казіўскі, Манастырыскі і Чырвонаармейскі раёны Цярнопальскай вобласці.

У шырокім сэнсе назва Аполле (слова славянскага паходжання) ўжывалі да шэрагу рэгіёнаў і населеных пунктаў у Беларусі, Польшчы, Расіі і Украіне, дзе натуральна спалучаліся бязлесныя ўчасткі ворных зямель разам з засаджанымі дрэвамі і травяністымі плошчамі з шэрымі ляснымі глебамі і умерана-кантынентальнымі кліматычнымі ўмовамі.

Літаратура

• Пашук В. С. Опілля // 603 // Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К.: «Наукова думка», 2010. — Т. 7 : Мл — О.— С. 603. — ISBN 978-966-00-1061-1. (укр.)
• Львівська область. Історико-природничі нариси з краєзнавства. — Львів, 1994. — С. 22.