Апаясвальны лішай

Апаясвальны лішай (Herpes zoster)
Пухіры пры апаясвальным лішаі на шыі і плячы
МКХ-10	B02.
МКБ-10-КМ	B02 і B02.9
МКХ-9	053
МКБ-9-КМ	053
DiseasesDB	29119
MedlinePlus	000858
eMedicine	med/1007 derm/180 emerg/823 oph/257 ped/996
MeSH	D006562
Медыяфайлы на Вікісховішчы

Апаясвальны (апяразальны) лішай — запаленне нервовых вузлоў (ганглій) і скуры праз заражэнне вірусам вятранкі ў дарослым узросце. Найчасцей здараецца пасля 50 гадоў. У выніку ўскладнення хваробы назіраецца неўралгія, рухальныя парушэнні, зніжэнне адчувальнасці, паніжэнне вастрынні зроку, пагаршэнне слыху і бактэрыяльнае заражэнне (стрэптакок, стафілакок).

Папярэджанне

Хвароба прадухіляецца праз штодзённыя шпацыры на свежым паветры, устойлівы расклад харчавання, штодзённае ўжыванне кісламалочных вырабаў, белага мяса, рыбы (ласось і селядзец) і алею (аліўкавага). Таксама ў харчаванні маюць прысутнічаць арэхі, бабовыя, брокалі, гарбуз, кабачкі, морква, зяленіва, цытрусавыя і зялёная гарбата.

Прычыны

Запаленню спрыяе аслаблены імунітэт, стрэс, цялеснае раненне, пераахаладжэнне, гарманальная і прамянёвая тэрапія, хіміятэрапія пры раку крыві.

Праявы

Хвароба пачынаецца з моцнага, калючага болю ў спіне, паясніцы або ў вобласці рэбраў. Адзначаецца слабасць і млоснасць. Затым на скуры ўзнікаюць невыразныя ружаватыя плямы. Праз суткі на іх месцы з'яўляюцца вадзяністыя пухіры, якія паступова падсыхаюць і ўтвараюць скарынкі. Пры пашырэнні заражэння на трайчасты нерв высыпанні ўзнікаюць на твары, слізістай абалонцы носа і вочным яблыку. Пры распаўсюдзе заражэння на вушы ружаватыя плямы ўзнікаюць на вушной ракавіне і вакол яе, у вонкавым слыхавым праходзе.

Развіццё сыпу па днях

Першы	Другі	Пяты	Шосты

Спасылкі

• На Вікісховішчы ёсць медыяфайлы па тэме Апаясвальны лішай