Музэй індустрыі Дэрбі

Музэй індустрыі Дэрбі
	Музэй індустрыі Дэрбі
	Derby Industrial Museum
	Від на музэй і раку Дэрвэнт
Месцазнаходжаньне	Дэрбі, Вялікабрытанія
Тэматыка калекцыі	прамысловасьць
Створаны	29 лістапада 1974 г.
Адкрыты	1974
Геаграфічныя каардынаты	52°55′33″ пн. ш. 1°28′33″ з. д. / 52.92583° пн. ш. 1.47583° з. д.Каардынаты: 52°55′33″ пн. ш. 1°28′33″ з. д. / 52.92583° пн. ш. 1.47583° з. д.
	Музэй індустрыі Дэрбі на мапе Вялікабрытаніі Музэй індустрыі Дэрбі
	Старонка музэю

Музэй індустрыі Дэрбі (па-ангельску: Derby Industrial Museum, таксама вядомы як шаўковая фабрыка (па-ангельску: The Silk Mill) — музэй прамысловасьці і гісторыі, які знаходзіцца ў месьце Дэрбі (Ангельшчына).

Мінуўшчына

Пажар 1910 року на карціне Альфрэда Джона Кіна

Музэй разьмешчаны ў будынку былой шаўковай фабрыкі Lombe’s Mill, якой сканчаецца паўднёвая мяжа комплексу фабрык у даліне Дэрвэнту, уключанага ў сьпіс Сусьветнай спадчыны Вялікабрытаніі^[1]. Першая з фабрыкаў паўстала паміж 1717 і 1721 рокамі^[2]. Яе ўладальнікамі былі браты Лоўмб, якія паставілі ў памяшканьнях новыя станкі для выцягваньня шоўку ў ніці. Для прывядзеньня іх у дзеяньне выкарыстоўваліся вадзяныя колы.

Вытворчасьць шоўку была спыненая ў 1908 року, калі новы ўладальнік, F.W. Hampshire і Кампанія, вырашыў выпускаць ліпкія лавушкі на мух і лекі ад кашлю.

5 сьнежня 1910 году на фабрыцы здарыўся пажар, пасьля якога ўсходні бок будынку зваліўся ў раку. Ён быў адбудаваны, але ўжо трохпавярховым замест ранейшых пяці паверхаў.

Дзейнасьць

Музэй быў адчынены 29 лістапада 1974 году. Асаблівая ўвага ў экспазыцыях зробленая на чыгуначную галіну і прэзэнтацыю прадукцыі фірмы Rolls-Royce plc, брытанскай кампаніі, што спэцыялізуецца на авіяцыйных рухавіках і сілавых прыстроях для суднаў і прамысловасьці. Таксама прадстаўленыя горназдабываючая прамысловасьць, кераміка і ліцейная справа. У музэі ладзілі таксама іншыя выставы і адукацыйныя праграмы^[3].

3 красавіка 2011 музэй быў зачынены на кансэрвацыю мескімі ўладамі^[3], каб вызваліць грошы на рэканструкцыю шэрагу іншых музэяў. Пэўнай даты адкрыцьця музэю ў бліжэйшыя два рокі ў справаздачы па прычынах закрыцьця паведамлена не было^[4]^[5]. Аднак выказаны спадзеў, што адкрыцьцё адбудзецца так хутка, як гэта будзе магчыма, улічваючы ролю музэю і ягоны «станоўчы ўплыў на будучыню места»^[3].

Крыніцы

^ Derwent Valley Mills (анг.). ЮНЭСКО. Праверана 7 траўня 2010 г.
^ Whitehead The Derby Lock-Out (анг.) Праверана 13 кастрычніка 2010 г.
^ ^а ^б ^в The Silk Mill (анг.). Derby City Council Museum website. Праверана 9 красавіка 2011 г.
^ Report of the Strategic Director of Neighbourhoods (анг.) Праверана 4 студзеня 2011 г.
^ This is Derbyshire (анг.) Праверана 9 красавіка 2011 г.

Літаратура

Derby Industrial Museum, Derby Evening Telegraph and Derby Library Servic. (1999)
The Derby Lock-Out and the origins of the labour movement Bill Whitehead (2001)
Struck out! Derby in Crisis: the Silk Mill Lock-Out 1833-4, Derby, H. E. Butterton (1997)
Lombe’s Mill: An Exercise in Reconstruction', Industrial Archaeology Review, Anthony Calladine (1993)

Вонкавыя спасылкі

Музэй індустрыі Дэрбі — сховішча мультымэдыйных матэрыялаў

Вэб-старонка музэю (анг.) на бачыне мескай рады Дэрбі

[unesco-1] Derwent Valley Mills (анг.). ЮНЭСКО. Праверана 7 траўня 2010 г.

[whitehead-2] Whitehead The Derby Lock-Out (анг.) Праверана 13 кастрычніка 2010 г.

[off-3] а ^б ^в The Silk Mill (анг.). Derby City Council Museum website. Праверана 9 красавіка 2011 г.

[report-4] Report of the Strategic Director of Neighbourhoods (анг.) Праверана 4 студзеня 2011 г.

[5] This is Derbyshire (анг.) Праверана 9 красавіка 2011 г.

[1]

[2]

[3]

[4]

[5]