Конкурс песьні Эўрабачаньне-1963

	Конкурс песьні Эўрабачаньне-1963
Дата	23 сакавіка
Вядоўцы	Кэці Бойл
Тэлеканал гаспадароў	BBC
Месца	Лёндан, Вялікабрытанія
Пераможная песьня	«Dansevise» (Данія)
Сыстэма галасаваньня	Кожная краіна прысуджала ад 1 да 5 балаў найболей упадабаным песьням
Колькасьць краін	16
Нуль ачкоў	Нідэрлянды; Нарвэгія; Фінляндыя; Швэцыя
	◄1962 1964►

Конкурс песьні «Эўрабачаньне-1963» стаў 8-м конкурсам песьні Эўрабачаньне. Ён прайшоў 23 сакавіка 1963 году ў Лёндане (Вялікабрытанія) у новым тэлецэнтры BBC у Шэпардс-Буш. Як і Нідэрлянды ў 1960 годзе, Францыя адмовілася арганізоўваць конкурс 1963 году ў сябе на радзіме і зноў на дапамогу прыйшла Вялікабрытанія. Упершыню прадусарам конкурсу зьяўлялася жанчына. Трансьляцыя праводзілася адначасова зь дзьвюх розных студыяў.

Пераможцам стала Данія зь песьняй «Dansevise», выкананай Грэтай і Юргенам Інгманамі. Нідэрлянды ўпершыню ў гісторыі конкурсу другі год запар не атрымалі ніводнага ачка.

Падчас конкурсу адбыўся інцыдэнт, які складаўся ў тым, што Нарвэгія не пасьпела своечасова падлічыць галасы сваіх сяброў журы і абвясьціла няправільныя папярэднія вынікі. Апублікаваныя пазьней выніковыя дадзеныя значна адрозьніваліся ад першапачаткова абвешчаных, і менавіта яны сталі вырашальнымі пры вызначэньні пераможца.

Зьмены ў правілах

Лік сяброў нацыянальных журы быў павялічаны да дваццаці, а колькасьць ачкоў, які прысуджаюцца кожным сябрам, — з 3-х да 5-ці, што дазволіла галасаваць за 5 лепшых песень.

Вынікі

Краіны-ўдзельніцы конкурсу.
Краіны, якія занялі:
     1-е месца

     2-е месца

     3-е месца

# п/п	Краіна	Выканаўца	Песьня	Ачкоў	Месца
8	Данія	Грэта і Юрген Інгман	Dansevise	42	1
10	Швайцарыя	Esther Ofarim	T'en va pas	40	2
6	Італія	Emilio Pericoli	Uno per tutte	37	3
1	Вялікабрытанія	Ronnie Carroll	Say wonderful things	28	4
11	Францыя	Alain Barrière	Elle était si jolie	25	5
15	Манака	Франсуаза Ардзі	L'amour s'en va	25	5
4	Аўстрыя	Carmela Corren	Vielleicht geschieht ein Wunder	16	7
16	Люксэмбург	Nana Mouskouri	A force de prier	13	8
3	ФРН	Heidi Brühl	Marcel	5	9
14	Бэльгія	Jacques Raymond	Waarom	4	10
9	Югаславія	Vice Vukov	Brodovi	3	11
12	Гішпанія	José Guardiola	Algo prodigioso	2	12
5	Нарвэгія	Anita Thallaug	Solhverv	0	13
7	Фінляндыя	Laila Halme	Muistojeni laulu	0	13
2	Нідэрлянды	Annie Palmen	Een speeldoos	0	13
13	Швэцыя	Monica Zetterlund	En gång i Stockholm	0	13