Злынка

Злынка
Першыя згадкі:	1702
Краіна:	Расея
Суб’ект фэдэрацыі:	Бранская
Муніцыпальны раён:	Злынкаўскі
Вышыня:	150 м н. у. м.
Насельніцтва:	5524 чал. (2010)
Тэлефонны код:	48358
Паштовы індэкс:	243600
Нумарны знак:	32
Геаграфічныя каардынаты:	52°26′0″ пн. ш. 31°44′0″ у. д.
Злынка на мапе Расеі Злынка
Галерэя здымкаў у Вікісховішчы

Злы́нка (па-расейску: Злынка) — места ў Бранскай вобласьці Расеі, на рацэ Злынка (басэйн Дняпра). Горад разьмешчаны на Прыдняпроўскай нізіне, за 20 км на поўдзень ад Навазыбкава, і за 225 км на захад ад Бранску. Адміністрацыйны цэнтар Злынкаўскага раёну. Насельніцтва 5524 чалавекі (2010). Самае маленькае места Бранскай вобласьці. Найбліжэйшая чыгуначная станцыя — Злынка (за 8 км ад места, у мяст. Вышкаў). Статус места Злынка атрымала ў 1925 годзе. Знаходзіцца на ўсходзе этнаграфічнай тэрыторыі беларусаў.

Этымалёгія назвы

Відавочна, назва места паходзіць ад аднайменнай ракі, на якой разьмяшчаецца Злынка.

Экалёгія

У выніку катастрофы на Чарнобыльскай АЭС 26 красавіка 1986 году, Злынка апынулася ў зоне адсяленьня, шчыльнасьць радыяцыйнага забруджваньня ад 15 да 40 Кы/км², плошча 2130 км². Афіцыйна лічыцца, што раённы цэнтар Злынка даўно выселены.

Гісторыя

• 1702 — першыя згадкі пра Злынку, ў складзе Страдубскай воласьці, утвораную стараверамі якія сюды перасяліліся. У склад Злынкі часткова ўвайшлі вёскі Дзяніскавічы і Лысыя.
• 1723 — у Злынцы 13 дымоў.
• сярэдзіна XVIII стагодзьдзя — была пабудаваная праваслаўная капліца Ўшэсьця.
• 1781 — места ўжо налічвала 281 дым.
• пачатак XIX стагодзьдзя — у Злынцы мелася 20 крамаў. У навакольлях дзейнічалі 8 шкляных гутаў.
• 1858 — тут налічвалася 600 дымоў.
• 1897 — ужо 1053 дымы і 4209 жыхароў.
• канец XIX стагодзьдзя — Злынка ўваходзіла ў Людкоўскую воласьць Навазыбкаўскага павету Чарнігаўскай губэрні.
• 1925 — нададзены статус места.
• 1934 — замест запалкавай вытворчасьці разьвіваецца вытворчасьць мэблі.
• 25 жніўня 1941 — Злынка акупаваная Нацысцкай Нямеччынай.
• 1949 — са Злынкі вылучылася мястэчка Вышкаў.
• 1959 — губляе статус цэнтру раёну.
• 1988 — Злынка аднавіла статус раённага цэнтру.

Насельніцтва

• 1897 — 5,3 тыс. чал.
• 1926 — 6,4 тыс. чал.
• 1931 — 6,6 тыс. чал.
• 1939 — 8,8 тыс. чал.
• 1959 — 6,0 тыс. чал.
• 1970 — 6,1 тыс. чал.
• 1979 — 5,9 тыс. чал.
• 1989 — 5,6 тыс. чал.
• 1992 — 5,2 тыс. чал.
• 1996 — 5,4 тыс. чал.
• 1998 — 5,5 тыс. чал.
• 2005 — 5,4 тыс. чал.
• 2010 — 5,5 тыс. чал.

Эканоміка

• Запалкавая фабрыка
• Лясгас
• Кансэрвавы завод
• Завод па вытворчасьці гіпса-кардонных матэрыялаў

Архітэктура

• Храмавы комплекс цэркваў Ушэсьця і Мікалая Цудатворца (другая палова XIX стагодзьдзя)
• Пакроўская царква (1904)
• Драўляныя маёнткі з мезанінамі, багата ўпрыгожаныя драўлянай разьбой (XIX стагодзьдзе)

Глядзіце таксама

• Старадубскае княства
• Ліцьвіны Севершчыны
• Севершчына
• Панізоўе