Джоўі Вээрман
| Джоўі Вээрман | ||
| ||
| Пэрсанальная інфармацыя | ||
|---|---|---|
| Нарадзіўся | 19 лістапада 1998[1] (25 гадоў) | |
| Рост | 1,85 м | |
| Пазыцыя | паўабаронца | |
| Клюбная інфармацыя | ||
| Клюб | ПСВ Эйндговэн | |
| Нумар | 23 | |
| Клюбы | ||
| Гады | Клюб | Гульні (галы)¹ |
| 2016—2019 2019—2022 2022— |
Валендам Гээрэнвээн ПСВ Эйндговэн |
75 (12) 71 (14) 82 (14) |
| Зборныя | ||
| 2023— | Нідэрлянды | 16 (1) |
|
¹ Колькасьць гульняў і галоў за прафэсійны клюб лічыцца толькі | ||
Яганэс Карнэліс Марыя «Джоўі» Вээрман (па-нідэрляндзку: Johannes Cornelis Maria «Joey» Veerman; нар. 19 лістапада 1998 году) — нідэрляндзкі футбаліст, паўабаронца клюбу ПСВ і нацыянальнай зборнай Нідэрляндаў.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Нідэрляндаў запачаткаваў прафэсійную кар’еру 9 верасьня 2016 году ў матчы Ээрстэ дывізіі ў складзе «Валендаму». За клюб у выніку згуляў некалькі сэзонаў, першы чым далучыцца да клюбу «Гээрэнвээн» напрыканцы лета 2019 году[2]. Ужо на наступны дзень па складаньні працоўнай дамовы, 31 жніўня, паўабаронца дэбютаваў у складзе новага клюбу ў матчы найвышэйшага дывізіёну нідэрляндзкага першынства супраць сытардзкай «Фартуны»[3]. 4 студзеня 2022 году гульца перакупіў гранд мясцовага футболу клюб ПСВ. 2 сакавіка гулец адзначыўся голам у складзе новага клюбу ў паўфінале Кубка Нідэрляндаў, засмуціўшы прадстаўнікоў клюбу «Гоў Эгэд Іглз». Зь цягам часу стаў адным зь лідэраў клюбу. У сэзоне 2023—2024 гадоў стаў футбалістам з найбольшай колькасьцю створаных галявых момантаў у Эрэдывізіі, якіх у яго было 130[4]. Цягам таго ж сэзону кожны восеньскі месяц абіраўся найлепшым футбалістам Эрэдывізіі.
Міжнародная
[рэдагаваць | рэдагаваць крыніцу]У сакавіку 2023 году Вээрман атрымаў свой першы афіцыйны выклік у нацыянальную зборную Нідэрляндаў на адборачныя матчы да чэмпіянату Эўропы 2024 году супраць зборных Францыі і Гібральтару, але быў вымушаны застацца па-за складам поруч з Кодзі Гакпам, Матэйсам дэ Ліхтам, Свэнам Ботманам і Бартам Вэрбругенам праз харчовае атручваньне, зьвязанае зь няякасных абедам курыцай кары, які прыгатавалі кухары зборнай[5]. 18 чэрвеня 2023 году гулец дэбютаваў у складзе зборнай у фінальнай стадыі Лігі нацыяў 2022—2023 гадоў, калі выйшаў на замену Матсу Віфэру ў матчы супраць зборнай Італіі. 26 сакавіка 2024 году адзначыўся першым голам у таварыскім матчы супраць зборнай Нямеччыны[6].
Дасягненьні
[рэдагаваць | рэдагаваць крыніцу]ПСВ:
- Чэмпіён Нідэрляндаў: 2024
- Уладальнік Кубка Нідэрляндаў: 2022, 2023
- Уладальнік Супэркубка Нідэрляндаў: 2022, 2023
Крыніцы
[рэдагаваць | рэдагаваць крыніцу]- ^ а б в Joey Veerman // Transfermarkt (мн.) — 2000.
- ^ «Heerenveen gunt KKD-pareltje Veerman eindelijk kans in de Eredivisie». Voetbal International.
- ^ «Heerenveen laat twee punten liggen in aantrekkelijk thuisduel tegen Fortuna Sittard». Omrop Fryslân.
- ^ «5 players who created the most chances across Europe’s top 7 leagues in the 2023-24 season (Ranked)». Sportskeeda.
- ^ «Vijf Oranjespelers naar huis; Koeman roept drie vervangers op». KNVB.
- ^ «Veerman: 'Ik zat in een soort bubble'». KNVB.
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball