Прагляд крыніцы для Жалезны чалавек (фільм, 2008)

{{Фільм
|назва        = Жалезны чалавек
|арыгназва    = Iron Man
|выява        = Iron Man - 2008 movie logo.svg
|подпіс       = Лягатып фільму
|жанр         = 
|рэжысэр      = [[Джон Фаўро]]
|прадусар     = {{Просты сьпіс|
* [[Аві Арад]]
* [[Кэвін Файгі]]
}}
|сцэнарыст    = {{Просты сьпіс|
* Марк Фэргус<br />Гоўк Остбі
* Арт Маркум<br />Мэт Голаўэй
}}
|дыктар       = 
|ролі         = {{Просты сьпіс|
* [[Робэрт Даўні (малодшы)]]
* [[Тэрэнс Гоўард]]
* [[Джэф Брыджэс]]
* [[Шон Тоўб]]
* [[Гўінэт Пэлтраў]]
}}
|кампазытар   = [[Рамін Джавадзі]]
|апэратар     = Мэт’ю Лібатык
|мантаж       = Дэн Лебэнталь
|вытворчасьць = {{Просты сьпіс|
* [[Marvel Studios]]
* Fairview Entertainment
}}
|дата         = {{Дата пачатку|14|4|2008|так}}
|час          = 126 хв.<ref>{{Спасылка |загаловак=Iron Man |url=http://www.bbfc.co.uk/releases/iron-man-film |выдавец=British Board of Film Classification |дата публікацыі=9 красавіка 2008 |дата доступу=23 красавіка 2016}}</ref>
|мова         = ангельская
|краіна       = ЗША
|бюджэт       = $140 млн
|прыбытак     = $585,2 млн
|папярэдні    = 
|наступны     = 
|сайт         = 
}}
«'''Жале́зны чалаве́к'''» ({{Мова-en|Iron Man}}) — [[ЗША|амэрыканскі]] [[супэргеройскі фільм]] 2008 року, сфільмаваны студыяй «[[Marvel Studios|Marvel]]» пра [[Жалезны чалавек|аднайменнага]] пэрсанажа [[Marvel Comics|коміксаў Marvel]]. Гэта першы фільм у [[Кінасусьвет Marvel|кінасусьвеце Marvel]]. Рэжысэр — [[Джон Фаўро]], аўтары сцэнару — Марк Фэргус / Гоўк Остбі і Арт Маркум / Мэт Голаўэй. У галоўных ролях: [[Робэрт Даўні (малодшы)]] — Тоні Старк / Жалезны чалавек, а таксама [[Тэрэнс Гоўард]], [[Джэф Брыджэс]], [[Шон Тоўб]] і [[Гўінэт Пэлтраў]]. У фільме Тоні Старк, бізнэсоўца і інжынэр-вынаходнік, пасьля небясьпечнага здарэньня стварае ўмацаваны [[Зьнешні шкілет|экзашкілет]] і становіцца [[Супэргерой|супэргероем]] Жалезным чалавекам.

== Сюжэт ==
{{Раскрыцьцё сюжэту}}
Геній, мільярдэр і вісус [[Тоні Старк]], якому ў спадчыну ад [[Гоўард Старк|бацькі]] дасталася абаронная кампанія «[[Stark Industries]]», выпраўляецца ў [[Вайна ў Аўганістане (з 2001)|зону баявых дзеяньняў]] у [[Аўганістан]]е, каб прадэманстраваць новую ракету «Ерыхон». Пасьля прэзэнтацыі канвой трапляе ў засаду, і Старк атрымлівае раненьне ад ракеты, вырабленай ягонай жа кампаніяй. Тэрарысты захопліваюць яго ў палон; яго вылечвае іншы вязень, лекар [[Хо Інсэн|Інсэн]], які імплянтуе ў грудзі Старку электрамагніт, дзякуючы якому аскепкі шрапнэлі не трапляюць да ягонага сэрца. Правадыр тэрарыстычнай групоўкі «Дзесяць колцаў» Раза прапануе Старку свабоду наўзамен на стварэньне для яго новапрадстаўленай ракеты, аднак Тоні й Інсэн разумеюць, што Раза не стрымае слова.

Удваёх яны таемна будуюць маленькі, але магутны электрагенэратар, названы дугавым рэактарам, які сілкуе Старкаў электрамагніт і браняпанцыр, з дапамогай якога вязьні спадзяюцца ўцячы. Калі панцыр амаль гатовы, Дзесяць колцаў здагадваюцца пра намеры закладнікаў і атакуюць лябараторыю. Інсэн спыняе іх, ахвяруючы сабою, аднак даючы магчымасьць Старку скончыць касьцюм. Браняваны Старк прабівае сабе дарогу вонкі, зьнішчае склад зброі Дзесяці колцаў і зьлятае, аднак пры падзеньні сярод пустыні разьбівае касьцюм. Яго выратоўвае падпалкоўнік [[Баявая машына (Marvel)|Джэймз Роўдз]]. Вярнуўшыся на радзіму, Старк абвяшчае, што ягоная кампанія спыняе вытворчасьць зброі. Аднак ягоны кампаньён [[Жалезны гандляр|Абадыя Стэйн]], партнэр Старкавага бацькі, не падтрымлівае гэтае рашэньне. У хатняй лябараторыі Старк стварае дасканалейшую і магутнейшую вэрсію бронекасьцюму ды магутнейшы дугавы рэактар для свайго электрамагніту. Ягоная памочніца [[Пэпэр Потс]] захоўвае стары рэактар на памяць як падарунак Старку. Не давяраючы Стэйну, Старк захоўвае сваё стварэньне ў таямніцы.

На дабрачыннай сустрэчы, скліканай «Stark Industries», журналістка Крыстына Эвэргарт паведамляе Стару, што зброя ягонай кампаніі, у тым ліку і «Ерыхон», пастаўленая «Дзесяці колцам» і скарыстаная пры наезьдзе на родную вёску Інсэна, Гульміру. Старк даведваецца, што Стэйн [[Гандаль зброяй|пастаўляе зброю]] злачынцам па ўсім сьвеце і рыхтуе [[пераварот]], каб адхіліць Старка з пасады кіраўніка кампаніі. Старк апранае сваю новую браню і ляціць у Аўганістан, дзе ратуе жыхароў вёскі ад вынішчэньня. Па дарозе дадому яго атакуюць за парушэньне паветранае прасторы два зьнішчальнікі [[F-22 Raptor]]. Каб уратавацца, ён паведамляе пра сваё вынаходніцтва Роўдзу па тэлефоне. Тым часам Дзесяць колцаў знаходзяць у пустыні рэшткі прататыпу старкавага бронекасьцюму і паказваюць яго Стэйну; той аглушае Разу, пакуль ягоныя ахоўнікі зьнішчаюць усіх астатніх тэрарыстаў. На аснове абломкаў брані Стэйн [[Адваротная распрацоўка|адваротна распрацоўвае]] вялізны бронекасьцюм. Каб даведацца пра нелегальныя пастаўкі ягонай зброі, Старк просіць Потс узламаць базу зьвестак сваёй кампаніі. Яна выяўляе, што Стэйн наняў Дзесяць колцаў, каб забіць Старка, аднак групоўка ня выканала абяцаньня. Потс сустракаецца з агентам [[Спэцслужба|спэцслужбы]] [[S.H.I.E.L.D.|Ш.Ч.Ы.Т.]] [[Філ Кулсан|Філам Кулсанам]] і паведамляе яму пра дзейнасьць Стэйна.

Стэйнавы навукоўцы ня могуць прадубляваць мініятурны дугавы рэактар, таму Стэйн пераймае Старка ў ягоным доме і забірае рэактар зь ягоных грудзей. Старк здолеў дабрацца да арыгінальнага рэактару і засілкавацца ад яго. Потс і некалькі агентаў Ш.Ч.Ы.Т.у спрабуюць арыштаваць Стэйна, аднак ён нападае на іх у сваім бронекасьцюме. Старк б’ецца са Стэйнам, аднак са старым рэактарам ягоны новы бронекасьцюм ня здольны працаваць напоўніцу. У часе бойкі Старк і Стэйн узьбіраюцца на дах будынку Stark Industries, і Старк наказвае Потс перагрузіць вялікі дугавы рэактар, які сілкуе будынак. Адбываецца вялізны электрычны выбух, Стэйн падае ў рэактар і гіне ў выбуху. Наступнага дня на прэс-канфэрэнцыі Старк, нягледзячы на інструкцыі Ш.Ч.Ы.Т.у, адкрыта заяўляе пра сябе як пра супэргероя, вядомага як «Жалезны чалавек».

У [[Эпізод пасьля субтрытраў|пасубтрытравай сцэне]] да Старка прыходзіць кіраўнік Ш.Ч.Ы.Т.у [[Нік Ф’юры]], які паведамляе, што Жалезны чалавек — не адзіны супэргерой у сьвеце, і прапануе Старку абмеркаваць «ініцыятыву [[Мсьціўцы (комікс)|Мсьціўцаў]]».
{{Раскрыцьцё сюжэту|канец}}

== У ролях ==
[[Файл:Terrence Howard, USAF.jpg|значак|upright|Гоўард рыхтуецца да ролі, асвойваючы сімулытяр [[F-16 Fighting Falcon|F-16]]]]
* [[Робэрт Даўні (малодшы)]] — [[Тоні Старк|Тоні Старк / Жалезны чалавек]], прамысловец, геніяльны вынаходнік ды адпяты вісус, прэзыдэнт [[Stark Industries]], асноўнага вытворцы зброі для [[Узброеныя сілы ЗША|амэрыканскага войска]].
* [[Тэрэнс Гоўард]] — [[Баявая машына (Marvel)|Джэймз «Роўдзі» Роўдз]], Старкаў сябар, адказны за закупкі зброі для [[Вайскова-паветраныя сілы ЗША|авіяцыі]];
* [[Джэф Брыджэс]] — [[Жалезны гандляр|Абадыя Стэйн]], Старкаў намесьнік, мэнтар і сябар, які апынаецца гатовым на ўсё, каб забраць кампанію ў свае рукі;
* [[Шон Тоўб]] — [[Хо Інсэн|Інсэн]], вязень, які імплянтуе Старку электрамагніт, ратуючы таго ад сьмерці, і дапамагае збудаваць першы бранекасьцюм Жалезнага чалавека;
* [[Гўінэт Пэлтраў]] — [[Пэпэр Потс]], Старкава пэрсанальная памочніца, закаханая ў яго;
* [[Фаран Тагір]] — Раза, правадыр «Дзесяці колцаў»;
* [[Лэсьлі Біб]] — [[Крыстына Эвэргарт]], журналістка «[[Vanity Fair|Кірмашу пыхлівасьці]]»;
* [[Кларк Грэг]] — [[Філ Кулсан]], агент [[S.H.I.E.L.D.|Ш.Ч.Ы.Т.у]].

== Вытворчасьць ==
[[Universal Studios]] набыла правы на вытворчасьць «Жалезнага чалавека» для кінаэкранаў у 1990 року. У 1996 правы перайшлі да [[20th Century Fox]]. Сцэнар быў падрыхтаваны ў 1998 року, аднак праз год Fox прадала правы [[New Line Cinema]], аргумэнтуючы гэта тым, што мае ў працы і так багата супэргерояў Marvel.

У 2000 быў напісаны новы сцэнар, праца над фільмам пачалася ў 2004 року, аднак праз два гады New Line Cinema вярнуў правы на экранізацыю Marvel. [[Marvel Studios]] пачала працу над фільмам ад пачатку. У 2006 рэжысэрам быў наняты Джон Фаўро, які зьмяніў сюжэт зь [[Вайна ў Віетнаме|Віетнамскай вайной]] на аўганскую. Сцэнары пісалі асобна Арт Маркум & Мэт Голаўэй з аднаго боку, і Марк Фэргус & Гоўк Остбі зь іншага, пасьля чаго былі сабраныя ў адзін сцэнар.

Увосені 2006 пачаўся падбор актораў. Здымкі пачаліся ў сакавіку 2007 року ў колішніх гукапавільёнах кампаніі Hughes у [[Лос-Анджэлес]]е. Аўганскія сцэны фільмаваліся таксама ў [[Лоўн Пайн (Каліфорнія)|Лоўн Пайне]] і ў пясчаных выдмах [[Аланча (Каліфорнія)|Аланчы]].

== Крыніцы ==
{{Крыніцы}}

== Вонкавыя спасылкі ==
{{Commons}}
* [http://marvel.com/movies/movie/19/iron_man Афіцыйная бачына]
* {{IMDb твор|0371746|Iron Man}}

{{Фільмы Джона Фаўро}}
{{Кінасусьвет Marvel}}

{{Бібліяінфармацыя}}

[[Катэгорыя:Фільмы на ангельскай мове]]
[[Катэгорыя:Навукова-фантастычныя фільмы ЗША]]
[[Катэгорыя:Фільмы пра супэргерояў]]
[[Катэгорыя:Фільмы 2008 году]]
[[Катэгорыя:Фільмы пра гандаль зброяй]]
[[Катэгорыя:Фільмы пра тэрарызм]]
[[Катэгорыя:Фільмы Джона Фаўро]]
[[Катэгорыя:Фільмы пра Аўганістан]]
[[Катэгорыя:Фільмы пра ЗША]]
[[Катэгорыя:Фільмы з кампутарнай графікай]]
[[Катэгорыя:Фільмы пра Жалезнага чалавека]]
[[Катэгорыя:Фільмы кінасусьвету Marvel]]
[[Катэгорыя:Прыгодніцкія фільмы ЗША]]
[[Катэгорыя:Фільмы пра вайну ў Аўганістане (з 2001)]]