Алексій I Камнін

Аляксей I Комнін (каля 1048-15 жніўня 1118) - імпэратар бізантыйскі (1081–1118).

Паходзіў з правінцыйнай ваеннай арыстакратыі, зь яе дапамогаю захапіў уладу. Перасьледваў багамілаў, здушыў шматлікія мяцяжы арыстакратыі, адбіў наступ нарманаў на чале з Робэртам Гвіскарам, удала ваяваў супраць сэльджукаў і печанегаў.

Агульны вайсковы й эканамічны заняпад Бізантыі вымусіў яго зьвярнуцца да папы Урбана II па вайсковую дапамогу Захаду. Гэты заклік наўпрост прывёў да збору Першага крыжовага паходу.

З дапамогай крыжакаў вярнуў Бізантыйскай імпэрыі частку Малой Азіі. У 1108 вымусіў Баэмунда Тарэнцкага, князя Антыёхіі, прызнаць сябе васалам бізантыйскага імпэратара. Аляксей I лічыцца заснавальнікам дынастыі Комнінаў, хоць фактычны пачатак дынастыі паклаў яго дзядзька Ісак I.