Monumento ki Washington
An Monumento ki Washington (Ingles: Washington Monument) iyo an sarong puting obelisko na hinaman para sa pagromdom ki George Washington, an pinakaenot na presidente kan Estados Unidos asin lider kan si rebolusyonaryong Hokbong Kontinental na nakipagbokbokan sa mga Briton sa mawot makamit an katalingkasan.
An monumento tinogdok sa bandang subangan kan National Mall kan Washington D.C. Ini gibo sa marmol, granito, asin bluestone gneiss,[1]; iyo ini an pinakahalangkaw na gapong estruktura asin pinakahalangkaw na nakatindog na obelisko sa enterong kinaban. Nagpoon pagtogdok kan monumento kan taon 1848, napondo ngona kan 1854 asta 1877 alagad natapos kan 1884. Na'ontok ngona su trabaho gibo kan pagkulangkulang pondo asin huli sa pagputok kan gera sibil sa Estados Unidos. Ini may langkaw na 555 pye, 51/8 pulgada (169.294 milya).
An orihinal na desenyo kaini naisip ni Robert Mills, sarong arkitekto kan mga 1840, pero naibang maray an desenyo kan ini pinadagos na hamanon. Si tugmadan na gapo pigkana' kan Hulyo 4, 1848, si capstone nakaag kan Desyembre 6, 1884, asin natawan dedikasyon kan Pebrero 21, 1885, binuksan sa publiko kan Oktobre 9, 1888. Kan natapos, ini na an nagin pinakahalangkaw na estruktura sa bilog na kinaban nagsalida sa Katedral kan Cologne. Alagad kan nahaman an Eiffel Tower kan 1889 sa Paris, Pransya nadaog na siya sa langkaw kaini. Kan Agosto 23, 2011, nagatak ini kan Linog sa Virginia asin pinasara ngona sagkod na mahiling an danyos na sinapo.
Kataytayan nin mga ladawan
[baguhon | baguhon an source]-
Monumentong obelisko para ki G. Washington -
An Monumento ki Washington kun tanawon sa itaas
Mga panluwas na takod
[baguhon | baguhon an source]- Official NPS website: Washington Monument
- "Trust for the National Mall: Washington Monument". Trust for the National Mall. Archived from the original on June 11, 2011. Retrieved March 17, 2010.
- Harper's Weekly cartoon, February 21, 1885, the day of formal dedication
- Today in History—December 6
