Grant Hart

Grant Hart
Si Hart nagtogtog kan 2005 sa Metro Club nin London
Background information
Ngaran pagkamondag	Grant Vernon Hart
Namondag	(1961-03-18)Marso 18, 1961 South Saint Paul, Minnesota, U.S.
Pagkagadan	Septyembre 13, 2017(2017-09-13) (edad 56) Minneapolis, Minnesota, U.S.
Mga genre	Alternative rock post-hardcore hardcore punk
Okupasyon	Parakanta-parasurat kanta, musiko
Mga instrumento	Vocals, gitara, drum
Taon na aktibo	1979–2017
Mga tatak	SST, Warner Bros., Rough Trade
Katakod na akto	Hüsker Dü, Nova Mob
Websityo	granthart.com

Si Grant Vernon Hart (Marso 18, 1961 – Septyembre 13, 2017) sarong Amerikanong musiko, na mas midbid bilang drummer asin kapwa-parasurat kanta para sa punk rock na bandang Hüsker Dü. Kan an banda nagkasiriblag kan taon 1988, si Hart nagpaluwas kan enot niyang solong album, an Intolerance bago nagmukna kan inapod na alternative rock na trio Nova Mob, kun saen siya mas na sa pagboboses asin gitara. An karera niyang solo iyo na nagin kinasisibotan niya na kan matunaw an Nova Mob kan 1997.

Siya komo tagasurat-kanta sa Hüsker Dü, an mga kanta niya arog kan "The Girl Who Lives on Heaven Hill" asin "Turn on the News") nag'ani nin umaw sa mga kritiko asin kagurubay. An istilo niya sa pagboses, na kumpara sa ki Bob Mould na kabanda niya sa Hüsker Dü, siya igwang tantyado asin may melodiyang pagdarang tyempo. An saiyang pagpili nin mga temang lirikal, na napoon sa sinasabing teenage alienation sa "Standing by the Sea" asin an pagpaladawan niya nin murder sa "Diane," padagos sa masirot na pag'istorya sa "Books About UFOs," nakatabang nanggad sa pagpalakbang kan mga ulayon sa hardcore punk.

Si Hart nagadan kan Septyembre 13, 2017 sa komplikasyon sa kanser sa katoy asin sa hepatitis C.