Kartini

Gambar ni si Kartini

Raden Adjeng Kartini (tubu di Jepara, Hindia Bolanda 21 April 1879 - monding di Rembang, Hindia Bolanda 17 September 1904) sanga tinanda museng goarna na unsumanan Raden Ayu Kartini, ima sada pangituai ni halak Jawa dohot Pahlawan Nasional Indonesia (Ulubalang Nasional Indonesia). Kartini pe ditanda sada pangituai parheheon horong parompuan Pribumi-Nusantara.

Raden Ayu ima sada gelar tu angka borua ni bangsawan na marruma tangga tu baoa bangsawan sian pomparan paduahon sahat tu pawaluhon di sada raja Jawa naung hea mamarinta. Alai gelar R.A. (Raden Ajeng) on holan boi dipangke tingki dang marbagas dope.

Biograpi

Among ni Kartini, R.M.A.A. Sosroningrat, di taon 1900

Raden Adjeng Kartini sorang di bagasan tondong priyayi sanga halak nasangap (Indonesia: bangsawan) Jawa. Nasida ingkon boru ni Raden Mas Adipati Ario Sosroningrat, sada patih na ditabalhon gabe bupati di Jepara diparsorang ni si Kartini. Kartini ingkon boru parjolo sian pardijabu parjolona, alai daong pardijabu utama. Inong ni Kartini margoar M.A. Ngasirah, boru ni Nyai Haji Siti Aminah dohot Kyai Haji Madirono, sada guru ugama di Telukawur, Jepara.

Buku

• Habis Gelap Terbitlah Terang

Ditaon 1922, Empat Saudara, Door Duisternis Tot Licht mambahen buku hata Melayu namarjudul Habis Gelap Terbitlah Terang; Boeah Pikiran. Buku on dirongkom Balai Pustaka. Armijn Pane, sada sastrawan Pujangga Baru, na dohot mangalapatanihon angka surat-surat ni Kartini tu buku Habis Gelap Terbitlah Terang.

Taon 1938, buku Habis Gelap Terbitlah Terang dirongkomhon museng. Buku nadilapatanihon si Armijn Pane ini, ingkon dibahen gabe sabolas hali. Adong museng angka surat-surat Kartini dilapatanihon tu hata Jawa dohot hata Sunda.

• Surat-surat Kartini, Renungan Tentang dan Untuk Bangsanya

Surat-surat Kartini mangalapatanihon Sulastin Sutrisno.

Buku nadibahen Sulastin Sutrisno marjudul judul Surat-surat Kartini, Renungan Tentang dan Untuk Bangsanya. Pandok ni si Sulastin, judul ni buku molo sian hata Bolando gabe: "Surat-surat Kartini, Renungan Tentang dan Untuk Bangsa Jawa". Dung, si Sulastin pe marpandapot, tungke buku i disurat mamangke hata Jawa, alai nadimarsita si Kartini ingkon adong hamajuon di sude bangso Indonesia.

• Panggil Aku Kartini Saja

Asingni angka punguan surat, adong muse angka jahaon nalumobi tu pamikkiran ni Kartini. Ima buku Panggil Aku Kartini Saja nadibahen Pramoedya Ananta Toer. Buku Panggil Aku Kartini Saja dibahen sian godang data nadipapungu si Pramoedya.

• Kartini Surat-surat kepada Ny RM Abendanon-Mandri dan suaminya

Di ujung taon 1987, Sulastin Sutrisno mambahen gombaran naimbaru tentang Kartini disada buku Kartini Surat-surat kepada Ny RM Abendanon-Mandri dan suaminya. Gombaran naparpudi lumobi tentang punguan angka surat naditulis Kartini tu Abendanon, mangalapatanihon Door Duisternis Tot Licht.

Kartini digombarhon gabe sada pejuang emansipasi na maju dibagasan marpingkir ditudoshon tu angka dadaboru Jawa ditingki i. Dibagasan surat tanggal 27 Oktober 1902, si Kartini manulis surat tu Nyonya Abendanon jala mandok molo ibana nungga mantak mangallang jagal, dipatamba museng molo ibana nungga gabe vegetarian.

Parningotan

Hari Kartini

Kuburan ni R.A. Kartini di Bulu, Rembang.

Presiden Soekarno mambahen surat Keputusan Presiden Republik Indonesia Nomor 108 Tahun 1964, tanggal 2 Mei 1964, manotophon Kartini gabe Pahlawan Kemerdekaan Nasional, jala maniti ari hatutubu na, gabe Hari Kartini.

Goar ni dalan di Bolanda

• Utrecht: Di Utrecht, dalan R.A. Kartini sanga Kartinistraat gabe sada dalan utama, bentukna 'U' ukuranna umbalgaan sian dalan na marogar pangituai, songon dalan Augusto Sandino, Steve Biko, Che Guevara, Agostinho Neto.
• Venlo: Di Venlo, Bolanda Dangsina, R.A. Kartinistraat bentuk 'O' di kawasan Hagerhof, di sekitarna museng adong goar dalan pangituai dadaboru songon dalan Anne Frank dohot Mathilde Wibaut.
• Amsterdam: Di wilayah Amsterdam Zuidoost sanga Bijlmer, dalan Raden Adjeng Kartini ditulis lengkap. Di jonok dalan Kartini adong goar dalan na asingna, ima dalan Rosa Luxemburg, Nilda Pinto, Isabella Richaards.
• Haarlem: Di Haarlem, dalan Kartini jonok tu dalan Mohammad Hatta, Sutan Sjahrir dohot dalan langsung tu dalan Chris Soumokil, presiden paduahon ni Republik Maluku Dangsina