Underiglbo

Unteriglbach Markt Ortenburg
Koordinatn:	48° 34′ N, 13° 14′ OKoordinaten: 48° 34′ 2″ N, 13° 14′ 0″ O
Heh:	353 m ü. NN
Eiwohner:	653 (31. Dez. 2015)
Eigmoaung:	1978
Postleitzoi:	94496
Voawoi:	08542
	; D Pfoakiach St. Vitus

Underiglbo (amtli: Unteriglbach) is a Ortsteil vo da Moaktgmoa Otnbuag am niedaboarischn Landkroas Bossa.

Namenuasprung

Wia bei olle auf -boch aufheande Orte beziagt se a da nam Iglbo auf a Gwassa, an dem a Siedlung ligt. D'„-boch“-Orte geidn ois Zeugn fia a frias Eidringa in Woidland. In da Topographie vo Bayern vom Philipp Apian, wo ums Jea 1580 in lateinischa Sproch entstandn is, wiad as Doaf Ober-Eglbach mid ana Kiach aufgfiad. Und weida hoaßts no - 'supra hunc rivus ritur - obahoib davo entspringd a Boch, da Iglbo. Unter-Eglbach is beim Apian ohne weidane Zuasatz gnennd. D'Schreibung mim E-Laut find se sunst niagands mea. Da Apian wead bei da Oleidung vo Egel, an Bluadegl oda an an Igl denkt ham. Wascheinlicha is oba d'Oleidung vo am Personennam. Ähnlich wia Oidaschbo, Oambo und Beidlschbo wead a Iglbo mid am Personennam beid. Aldaro oda Altheri, Eito, Putilo. Bei Iglbo deaf'ma an d'Okiazung vo am Nam wia Iglo oda Igo ausgeh. Olle zwe Formen hand in de Oiddeitschn Namensbiachl vo Förstemann und Kaufmann ois beliebte und drum a weidvabreite Namensfoam vazeichnet.

Gschicht

D'om gnenndn Personennam deitn auf de easchtn Awohna und Bsitza vo de Bachl hi, wo uns sunst ned mehra ibaliefad is. D'easchtn uakundlichn Nennungan vo Iglbo kemmand aus da Regiarungszeid vom Bossaua Bischof Reginmar vo 1121 bis 1138. Unda de Zeign vo am Güteraustausch vom Bischof hand a Ministerialen vo da Kiacha gnennd, drunda a Altman de igilpach. No a boa moi dauchand a de Uakundn vom 12. und 13. Joahundat Zeign auf, de wo se noch Iglbo nennand und so an boidn Ortsadl in Iglbo beweisand.

A de bis iaz aufgsogtn mittloidalichn Beleg war grod vo Iglbo a so d'Red. D'Undascheidung vo Oba- und Underiglbo kimmd eascht am 14. Joahundat auf. 1349 hod am Klousda Oitnmoak a Guad in Nyderniglpach, zua Pfarrei Stoanakiacha bei Otnbuag ghead. 1352 gibt da Heinrich III., Graf z'Otnbuag, sei Eiwilligung zu am Vakauf vo am Guad in Oberiglbo, de da Meinhart, sei Schnitza vo eam zum Lehen hod. Unda da Bedingung vo am Wiedakauf fia 12 Pfund Rengschbuaga Pfenning.

A da profanen Zuaghearigkeit is zwischn de zwoa Iglbo a gwissa Undaschied. Am Scharwerksbiachl vo 1577, wo de Hand- und Spanndienste vo de Grichtsuntertanen festgsetzt hand, stehd Obernyglpach bei Otnbuag zu Graf Joachim – Unternyglpach oba bei de Untertanen vo seim Vetter Graf Ulrich von Otnbuag, „z'Seinau gherad“. In de „Statistischn Aufschliss iba as Herzogtum Baiern“ vom Joseph Hazzi (1804) wiad Underiglbo mid 8 Heisa und 8 Herdstätn ohne weidan Zuasatz vazeichnet. As „Repertorium des topographischen Atlasblattes Passau“ vo 1841 nennd Undaiglbo a Doaf mit 9 Heisa, 1 Filialkiach, 1 Schuihaus, 1 Bierwiadshaus, 1 Ziegehittn.

Noch da Voikszählung vo 1925 hod as Pfarrdoaf Underiglbo 26 Wohngebäude und 161 Eihwohna. D'Amtliche Statistik vo 1978 fiad as Pfarrdoaf Underiglbo mi 230 Eihwohna auf.

A de 1970a und 1980a hod Underiglbo a grouße und schneie wiadschaftliche Entwicklung duachgmocht. Es hand an Haufa grouße Bauflächn ausgwiesn woan und Freizeitmeglichkeitn gschaffa woan. 1970 hod se Gmoa Iglbo mid da Gmoa Seinau zua neia Gmoa Woifaau (Wolfachau) zamgschlossn. Damid woidma ana Zwangseigmoarung entgeh. 1978 is d'Gmoa Woifaau oba dann duach Gmoagebietsrefoam in Bayern z'Otnbuag ogliedat woan.

Eiwohnerentwicklung

Joa	Eihwohnazoi
1925	161
1978	230
1. Oktoba 2010	643
31. Dezemba 2015	653

Pfarreiorganisation

A duach d'Pfarreiorganisation han d'Pfarrein Oba- und Underiglbo trennd. Oberiglbo mim Kiachnpatron St. Martin hod owei zum Vikariat und späda, noch da Aufhebung vom Kollegiatsstifts St. Johannes in Veizhof 1803, seit 1804 zua Pfarrei Aunkiacha ghead.

Underiglbo mim Kiachnpatron St. Vitus hod zua Pfarrei Stoanakiacha ghead. 1513 hod da Stefan Kontzmaier vo Underiglbo an Joadog in da Kiach „Nidern Iglpach“. Noch da 1563 Eifiarung vo da Reformation in Otnbuag-Stoanakiacha wiad 1574 Underiglbo da Pfarrei Hoizkiacha undasteid. 1863 wiads a exponierte Kooperatur, 1903 a eingne Pfarrei.

Lidaradua

Moaktgmoa Otnbuag: Bürgerschrift, Ortenburg 1994, S. 74.

Ortsteile vo da Gmoa Otnbuag