Prithivi
De Prithivi oda Prithvi Mata (Sanskrit: पृथिवी माता Pṛthivī Mātā f. »Ead Muada«; Pali: Paṭhavī) is de Eadgeddin bzw. Eadmuada in da vedischn Mythologie. Se bleibt imma jung und is de guade Muada vo oin Wesn, de wo ois umgibd und bschizd. Ia Gmoi is da Himmesvoda Dyaus. Ia Symboiviech is de Kua.
Im Rigveda wead de Prithivi in segs Hymnen zamma midm Dyaus afgruafa. Iare Kinda san: da Indra, da Agni, da Surya und de Ushas. De Prithivi deafad a Inkarnation vo da oidn, indogermanischn Eadmuada sei.
Im Hinduismus spuids nua no a gringe Roin. In Indonesien is de Prithivi a Nationalgeddin.
Literatua
[Werkeln | Am Gwëntext werkeln]- Hans Wilhelm Haussig (Hg.): Götter und Mythen des indischen Subkontinents; Wörterbuch der Mythologie. Bd.5
- John Dowson: Hindu Mythology & Religion. Rupa, New Delhi 2004 (14. ed.)