Greawoid

Greawoid Grünwald
Basisdatn
Bundesland:	Bayern
Regierungsbeziak:	Obabayern
Landkroas:	Landkroas Minga
Koordinatn:	48° 2′ N, 11° 31′ O
Hechn:	581 m ü. NN
Flächn:	7,63 km²
Eihwohna:	11.342 (31. Dez.. 2015)
Dichtn:	1487 Eiw. pro km²
Sonstige Datn
Postleitzoi n:	82031, 82064 (Oberdill) (oid: 8022)
Vorwoi:	089
Kfz-Kennzeichn:	M, AIB, WOR
Gmoaschlissl:	09 1 84 122
Gmoagliedarung:	6 Ortstei
Adress vo da Gmoavawoitung:	Rathausstr. 3 82031 Grünwald
Hoamseitn:	www.gemeinde-gruenwald.de
Politik
Buagamoasta:	Jan Neusiedl CSU
Log vo da Gmoa Greawoid Grünwald im Landkroas Minga

Greawoid (amtli: Grünwald) is a Gmoa im obaboarischn Landkroas Minga. Da Nobevoaoat liegt im Siidn vo Minga im Isartoi. Greawoid gheat za de exklusivstn Wohngegadn vo Bayern.

Anno 1994 is Greawoid laut Statistik zua reichstn Gmoa vo Deitschland worn.

Eadkund

Gliaderung vo da Gmoa

Fia de Gmoa san 6 Gmoatei ausgwiesn:

1. Brunnhaus
2. Geiselgasteig
3. Greawoid
4. Oberdill
5. Sauschitt
6. Weanbrunn

Nochbagmoana san nem Minga, Obahaching, Straßlach-Dingharting und Pullach im Isartoi.

Gschicht

Schloss Greawoid um 1700

Aufm Gmoagebiet hods kejtische und remische Siedlunga gem. In da easchtn Urkundn hoasst da Ort 1048 "Derbolvinga". Am End vom 13. Joarhundat hod da Ludwig da Strenge in da Nachan vo Derbolvinga de Buag Grünenwalde baut, de heitige Buag Greawoid.

Greawoid wor a Hofmark, de wo am Landesherrn, am Kurfiaschtn vo Bayern gheat hod. Mit de Vawoitungsreforma in Bayern is mitm Gmoaedikt vo 1818 die heitige Gmoa entstandn. Sie is seit 1955 a stootlich onakannta Erholungsort.

Woppn

Beschreiwung: In Blau auf am greana Dreiberg a suibana Turm mit Treppngiebe und Zinnenmauer, begleitet vo zwoa greane Feichtn; des Tor ist bedeckt mit de Boarischen Wecken.

Politik

Buagamoasta

Buagamoasta is da Jan Neusiedl (CSU).

Gmoarod

Da Gmoarod vo Greawoid hod 25 Midglieda (mid'm 1. Buagamoasta) und setzd se seit 2014 so zamm:

• CSU 14 Siez
• PBG (Woihgruppm) 4 Siez
• FDP 2 Siez
• Greane 2 Siez
• SPD 2 Siez

Berihmtheitn

In Greawoid san geborn:

• Ludwig X., Herzog vo Bayern (1495-1545)
• Georg Maier, Regisseur und Schauspuia (* 1941)
• Martin Lindner, FDP-Politika (* 1964)

Im Netz

 Commons: Greawoid – Sammlung vo Buidl, Videos und Audiodateien

• Greawoida Gmoavawoitung
• Gschicht vo Greawoid
• Greawoid: Woppmgschicht vom Haus der Bayerischen Geschichte
• Amtliche Gmoastatistik