Eckental

Basisdotn
Bundesland:	Bayern
Regiarungsbeziak:	Middlfrankn
Landkroas:	Landkroas Erlanga-Hächstodt
Hechn:	355 m ü. NHN
Flächn:	29,75 km2
Eihwohna:	14.614 (31. Dez. 2020)
Bevökarungsdichtn:	491 Einwohner je km2
Postleitzoi:	90542
Voawoien:	09126, (09192)
Autokennzeichn:	ERH, HÖS
Gmoaschlissl:	09 5 72 121
Moaktgliedarung:	13 Ortstei
Address vo da; Moaktvawoitung:	Rathausplatz 1; 90542 Eckental
Webseitn:	www.eckental-mfr.de
Buagamoastarin:	Ilse Dölle (UBE)
Log vom Moakt Eckental im Landkroas Erlanga-Hächstodt
	Karte

Eckental is a Moakt im middlfränkischn Landkroas Erlanga-Hächstodt. De Gmoa is währnd da Gebietsreform ois Groußgmoa aus meahran zuvoa eignständign Gmoana entstondn.

Geografie

Geografische Log

Da Moakt liegt uma 20 Kilometa noadestli vo Niamberg und uma 20 Kiloma estli vo Erlanga an da B im Toi vo da Schwabach. Er is 1972 im Rohma vo da Gmoagebietsreform duach Zammschluss voahea sejbstständiga Gmoana entstondn. Zwischn de Gmoatei Eschenau, Brand im Sidn und Westn, Eckenhaid und Forth im Ostn und Noadn valafft da nomansgemde Eckenboch. Er mindt zwischn Forth und Brand in de Schwabach.

De Gmoa liegt in oana beagign Londschoft. De Onhechn bei Oedhof im Noadwestn vo da Gmoa eareichn iwa 500 m ü. NN, da tiafste Punkt liegt bei Unterschöllenbach knopp unta 300 m ü. NN.

Im Gmoagebiet gibts greßare Woidgebiete, beispuisweis an Dormitzer Forst im Westn unds Teilholz im Ostn.

Nochboagmoana

Igensdorf (N), Schnaittach (O), Lauf an der Pegnitz (S), Heroldsberg (S), Kalchreuth (SW), Dormitzer Forst (W), Kleinsendelbach (NW)

Gmoagliedarung

Eckental bsteht aus 17 Ortstei:^[2]

Benzendorf
Brand
Brandermühle
Büg
Ebach
Eckenhaid

Eckenmühle
Eschenau
Forth
Frohnhof
Herpersdorf
Illhof

Marquardsburg
Mausgesees
Oberschöllenbach
Oedhof
Unterschöllenbach

Eihwohnazoin (Stond: 31. Dezemba 2015)^[3]

Benzendorf: 41
Brand: 2430
Ebach: 201
Eckenhaid: 3466
Eschenau: 3774
Forth: 3291
Frohnhof: 272
Herpersdorf: 510
Illhof: 69
Mausgesees: 32
Oberschöllenbach: 941
Oedhof: 84
Unterschöllenbach: 133
Insgesamt: 15.243

Gschicht

Eckental is am 1. Juli 1972 im Rohma vo da Gebietsreform grindt worn und woar a freiwijiga Zammschluss vom Moakt Eschenau mit Benzendorf, Eckenhaid, Forth, Herpersdorf und Unterschöllenbach.^[4] De Gmoa Brand hod se am 1. Mai 1978 am Moakt Eckental ogschlossn.^[5]

Eschenau

Voa da Gebietsreform woar Eschenau a sejbstständige Gmoa im Landkroas Erlangen. Am 1. Oktoba 1971 is Oberschöllenbach eihgmoant worn.^[4]

Eckenhaid

Im lokoin Dialekt „Eggahaa“ (Betonung auf da letztn Silbe) gnennt. Da Ort is zwischn 1050 und 1100 grindt worn, de easchte urkundliche Eawähnung woar 1278. Vo 1387 bis 1751 woar da Ort im Bsitz vo de Muffel vo Eschenau. In de 1950a und 1960a Joar hom vui Vatriebane und Aussiedla, voa oim aus Siebenbürgen undm Sudetenland stommand, in Eckenhaid a neie Hoamat gfundn. De domois bautn Siedlunga und ihre Bewohna hom ausm winzign Doaf a onsehnliche und boid aa wojhhobnde Gmoa gmocht. Bis zua Gebietsreform woar Eckenhaid a Gmoa im Landkroas Lauf an der Pegnitz. Im Dezemba 2015 hod Artur Momberger des Buach Eckenhaid - Chronik eines Dorfes vaeffntlicht^[6]. Auf 196 Seitn bschreibt da Autor de Gschicht vom Ort.

Forth

De Grindung vo de Orte Forth (Bauangut) und Büg (herrschoftlichs Rittagut) duach de Reichsfreiherrn vo Gotzmann is zwischn 1050 und 1150 eafoigt. Des herrschoftliche Rittagut Büg is 1611 in an Bsitz vo de Herrn vo Bünau iwagonga. Im Joar 1925 is da politische Zammschluss vo Forth und Büg eafoigt.^[4] Iwa Joarhundade hod de jidische Gmoa an Aufstieg vo Forth zu oam bedeitndn Hondlszentrum im Erlanga Oberland prägt. Diesa Tei vo da Fortha Gschicht hod midm brutaln Obtransport vo de letztn jidischn Biarga in da Pogromnocht vom 11. Novemba 1938 geendt. Eascht siebzig Joar späta hod in Forth in da evangelischn Kiach de easchte effntliche Gedenkfeia dazua stottgfundn. Onwesend woar aa a friahara Fortha Biarga, Albert Kimmelstiel, der 1938 emfois sei domolige Hoamatgmoa valossn hod miassn.

In Forth is da Schauspuia Lee Kohlmar (1873–1946) geboan worn.